پاکستان تحریک انصاف (پی ٹی آئی) چیئرمین عمران خان کے ڈیجیٹل میڈیا کے فوکل پرسن اظہر مشوانی کو مبینہ طور پر ان کے گھر کے باہر سے اٹھا لیا گیا۔
پی ٹی آئی کے ٹوئٹر اکاؤنٹ پر دعویٰ کیا گیا ہے کہ اظہر مشوانی کو ان کی رہائش گاہ کے باہر سے اغوا کرلیا گیا ہے ۔ ٹوئٹ میں یہ بھی کہا گیا کہ حکومت ایسے اقدامات بند کردے ورنہ پھر بہت دیر ہوجائے گی۔
Azhar Mashwani has been abducted outside his house today, in yet another day of fascism by this regime. We demand immediate #ReleaseAzharMashwani , illegal acts must be stopped before its too late! https://t.co/Naui3sJHvV
— PTI (@PTIofficial) March 23, 2023
پارٹی نے اپنے ٹوئٹ میں اظہر مشوانی کے خلاف کارروائی کو فسطائیت کا ایک اور عمل قرار دیتےہوئے حکومت سے عمران خان کے فوکل پرسن کی رہائی کا فوری مطالبہ بھی کیا۔
دریں اثنا رہنما زلفی بخاری کا اپنے ٹوئٹ میں کہنا ہے کہ اظہرمشوانی ایک قابل اورمحنتی نوجوان ہیں جنہیں جمعرات کو ان کے گھر کے باہر سے اٹھا لیا گیا ہے۔
sayedzbukhari: تحریک انصاف کے انتہائی محنتی اور قابل نوجوان اظہر مشوانی کو انکے گھر کے باہر سے اٹھایا گیا ہے ۔ آخر یہ فسطائیت بھری حکومت کتنے نوجوانوں کی آواز دبا کر سکون لے گی؟؟ کیا ایسا کرنے سے ملک کے مسائل حل ہو جائیں گے ؟ #ReleaseAzharMashwani https://t.co/kwDgR1IhAV
— Zulfi Bukhari Updates (@zulfi_bukhari) March 23, 2023
زلفی بخاری کا کہنا تھا کہ معلوم نہیں یہ فسطائیت بھری حکومت کتنے نوجوانوں کی آواز دبا کر سکون سے بیٹھے گی۔ ان کا مزید کہنا تھا کہ کیا ایسا کرنے سے ملک کے مسائل حل ہو جائیں گے۔
