پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ عمران خان کا اپنے اکاؤنٹ سے ہونے والی ٹوئٹ سے کوئی تعلق نہیں۔
اپنے ایک بیان میں بیرسٹر گوہر نے کہاکہ عمران خان جیل میں ہیں اور وہ ہر ویڈیو یا سوشل میڈیا پر شیئر ہونے والے مواد کو منظور نہیں کرتے۔
عمران خان کا اپنے اکاؤنٹ سے ہونے والی ٹوئٹ سے کوئی تعلق نہیں، عمران خان جیل میں ہیں وہ ہر ویڈیو یا کانٹینٹ (سوشل میڈیا مواد) کو منظور نہیں کرتے، 1971 والی ویڈیو کو سیاسی نہ کہ فوجی تناظر میں دیکھا جائے، چئیرمین تحریک انصاف بیرسٹر گوہر pic.twitter.com/98srvZZlOx
— Hassan Ayub Khan (@HassanAyub82) May 28, 2024
انہوں نے کہاکہ 1971 والی ویڈیو کو سیاسی نہ کہ فوجی تناظر میں دیکھا جائے۔
یاد رہے کہ عمران خان کے ’ایکس‘ اکاؤنٹ سے ایک ویڈیو شیئر کی گئی تھی جس کے کیپشن میں لکھا گیا تھا کہ ہر پاکستان کو چاہیے وہ حمودالرحمان کمیشن کی رپورٹ کا مطالعہ کرے۔ ’یہ جاننا چاہیے کہ اصل غدار جنرل جنرل یحییٰ تھا یا شیخ مجیب الرحمان‘۔