ملک بھر میں گرمی کا راج، اکثر علاقوں شدید گرمی کی لپیٹ میں ہیں۔ ملک کے بیشتر علاقوں میں موسم گرم جبکہ جنوبی علاقوں میں شدید گرم رہے گا۔
محکمہ موسمیات کے مطابق گزشتہ روز سب سے زیادہ گرمی جیکب آباد میں پڑی جہاں درجہ حرارت 50 ڈگری تک پہنچ گیا۔ دادو اور تربت میں 49، سبی، لسبیلہ 48، خیر پور، نورپور تھل، بہاولنگر، بھکر اور موہنجو داڑو میں درجہ حرارت 47 ڈگری ریکارڈ کیا گیا۔ ڈیرہ غازی خان، خانپور، لاڑکانہ، منڈی بہاؤالدین، قصور اور اوکاڑہ میں درجہ حرارت 46 ڈگری سینٹی ریکارڈ کیا گیا۔
مزید پڑھیں
موسم کا حال بتانے والون کا کہنا ہے کہ گلگت بلتستان، کشمیر، بالائی خیبر پختونخوا، شمال مشرقی پنجاب، خطہ پوٹھوہار اور اسلام آباد میں جھکڑ چلنے اور چند مقامات پر گرج چمک کے ساتھ بارش متوقع ہے۔
