وزیر اعظم کے دورے سے پاکستان اور چین کے درمیان دوطرفہ تجارت میں اضافہ ہوگا، اعلامیہ

وزیر اعظم شہباز شریف 4 سے 8 جون تک چین کا دورہ کریں گے، وزیر اعظم دورہ چین میں حکومتی عہدیداروں بالخصوص چینی صدر سے ملیں گے۔ وزیر اعظم کے دورے سے پاکستان اور چین کے درمیان دوطرفہ تجارت میں اضافہ ہوگا۔

وزیر اعظم ہاؤس کی جانب سے جاری کردہ اعلامیہ کے مطابق وزیر اعظم شہباز شریف کا چینی شہر شین ژین کا دورہ 4 اور 5 جون کو ہوگا، وزیر اعظم شہباز شریف 6 سے 7 جون تک چین کے شہر بیجنگ کا دورہ کریں گے۔ 8 جون کو ہی وزیر اعظم چین کے شہر ژیان کا دورہ کریں گے۔

مزید پڑھیں

• وزیر اعظم شہباز شریف 4 تا 8 جون چین کا سرکاری دورہ کریں گے، ترجمان چینی دفتر خارجہ

  

• شہبازشریف کا دورہ چین دو طرفہ تعلقات میں سنگ میل ثابت ہوگا، سی پیک پر بھی اہم پیشرفت ہوگی، چینی سفیر

  

• سی پیک اور بجلی سے متعلق اہم پیشرفت کا امکان، شہباز شریف نے چین روانگی سے قبل کیا کہا؟

  

• چینی ماڈل سے متعلق خدشات غلط ثابت، پاکستان چین کے تجربات سے سیکھنا چاہتا ہے، وزیراعظم شہباز شریف

  

• 84 سرکاری اداروں کی نجکاری، پاکستان کی چینی کمپنیوں کو حصہ لینے کی دعوت

  

• پاک چین مشترکہ اعلامیے میں جموں و کشمیر کے حوالہ جات پر بھارت کو اعتراض کا کوئی حق نہیں، پاکستان

  

• پاکستان کی چینی کمپنیوں کو ملک میں ٹیکنالوجی پارکس بنانے کی دعوت

  

• پاکستان اور چین کے درمیان کراچی تا پشاور جدید ریلوے لائن کی تعمیر پر اتفاق، منصوبے پر 6 ارب 80 کروڑ ڈالر لاگت آئیگی

  

اعلامیہ کے مطابق وزیر اعظم شہباز شریف 8 جون کو چین کا دورہ مکمل کرکے وطن واپس پہنچیں گے، وزیر اعظم دورہ چین میں حکومتی عہدیداروں بالخصوص چینی صدر سے ملیں گے۔

یہ دورہ سرمایہ کاروں کو پاکستان میں پرامن قابل عمل ماحول دینے میں کردار ادا کرے گا۔ دورے سے چینی کمپنیوں کو پاکستان میں سرمایہ کاری کے لیے راغب کرنے کا موقع ملے گا۔

وزیر اعظم کے دورے سے پاکستان اور چین کے درمیان دوطرفہ تجارت میں اضافہ ہوگا، وزیر اعظم کا دورہ پاک چین اقتصادی تعلقات کو مضبوط بنانے کی جانب ایک اور اہم قدم ہے۔

مضبوط کاروباری شراکت داریاں قائم کرنے سے دونوں ممالک کو طویل مدتی فوائد ملیں گے۔ وزیر اعظم کے چین کے دورے میں معروف ٹیک کمپنیوں تک رسائی ملے گی۔

وزیر اعظم شہباز شریف چین میں بڑے پیمانے پر کاروباری شراکت داری کے خواہاں ہیں۔ چینی کمپنیوں اور سرمایہ کاروں کی جانب سے نمایاں دلچسپی پیدا ہونے کا قوی امکان ہے۔

شین ژین کو چین میں اقتصادی پاور ہاؤس کی حیثیت حاصل ہے، 2023ء میں شین ژین کی جی ڈی پی گروتھ 6 فیصد سے زائد رہی۔

واضح رہے وزیراعظم محمد شہباز شریف چینی وزیر اعظم لی چھیانگ کی دعوت پر 4 سے 8 جون 2024 تک عوامی جمہوریہ چین کا دورہ کریں گے۔