لاہور کے ایک پارک میں شاعرِ مشرق علامہ محمد اقبال کے نصب شدہ مجسمے کے ساتھ بچوں کی جانب سے نازیبا رویے کی ویڈیو سوشل میڈیا پر وائرل ہو گئی جس کے بعد صارفین کی بڑی تعداد نے اس عمل کی شدید مذمت کی ہے۔
وائرل ویڈیو میں دیکھا جا سکتا ہے کہ چند بچے علامہ اقبال کے مجسمے پر چڑھے ہوئے ہیں اور اسے تھپڑ مار رہے ہیں جسے عوام نے قومی ورثے اور عظیم شخصیت کی توہین قرار دیا۔ واقعے کے منظرِ عام پر آنے کے بعد سوشل میڈیا پر تنقیدی تبصروں کا سلسلہ جاری ہے۔
انتہائی جاہل اور بدتمیز بچے ہیں یہ لاہوڑی !
میرا خیال ہے گلشن اقبال پارک کی ویڈیو ہے ۔
والدین سے گزارش ہے کہ اپنے بچوں کو اصل قومی ہیروز کی پہچان کرائیں ۔🥺دل تو چاہ رہا تھا باپ سمیت بچوں کو 2/4 لافے رسید کر دوں ویڈیو سے نکال کے ۔🤐 pic.twitter.com/YWgrxxJnC4
— Azhar Ali (@azh4r_ali) December 16, 2025
متعدد صارفین کا کہنا ہے کہ معاشرے میں پھیلتی ہوئی برائیوں کا ذمہ صرف حکومت، سیاستدانوں یا نظام کو ٹھہرانا کافی نہیں بلکہ ہمیں بطور قوم اپنی اصلاح پر بھی توجہ دینی چاہیے۔ بعض صارفین نے اس واقعے کو والدین کی تربیت پر سوالیہ نشان قرار دیتے ہوئے مطالبہ کیا کہ بچوں کے والدین کے خلاف بھی کارروائی کی جائے تاکہ آئندہ ایسے واقعات کی روک تھام ممکن ہو سکے۔
ایک سوشل میڈیا صارف نے لکھا کہ جو قوم اپنے محسنوں کو عزت نہیں دے سکتی وہ ملک کو کیا دے گی۔ انہوں نے انتظامیہ سے درخواست کی کہ اپنے قومی ہیروز کے مجسموں کی حفاظت کروائیں۔
زندہ دلان لاہورکی جانب سےشاعر مشرق علامہ محمد اقبال کی عزت افزائی کےچند مناظر۔جو قوم اپنے محسنوں کو عزت نہیں دے سکتی وہ ملک کو کیا دے گی۔ انتظامیہ سے درخواست ہے اپنے قومی ہیروز کے مجسموں کی حفاظت کروائیں اور اس طرح کے لفنگوں کی سرزنش کریں تاکہ ہمارے قومی محسنوں کی عزت مجروح نہ ہو pic.twitter.com/JfxWaSQB24
— MQM Television (@MQMTelevision) December 16, 2025
احسن واحد کا کہنا ہے کہ تصورِ پاکستان کے خالق علامہ محمد اقبال کے مجسمے کی توہین کے ذمہ دار کون ہیں، یہ ایک سنجیدہ سوال ہے۔ ان کے مطابق والدین اور اساتذہ کو بچوں کی تربیت پر خصوصی توجہ دینی چاہیے، کیونکہ بچوں کی ابتدائی پرورش والدین کرتے ہیں اور بعد ازاں اساتذہ ان کی کردار سازی میں کردار ادا کرتے ہیں۔ ایسے واقعات کے ذمہ دار نہ صرف بچے ہیں بلکہ والدین، اساتذہ اور مجموعی طور پر ہمارا معاشرہ بھی اس کی ذمہ داری سے بری الذمہ نہیں ہو سکتا۔
تصور پاکستان کے خالق علامہ اقبال رح کے مجسمے کی توہین ۔۔ زمہ دان کون ؟
ہم ہمیشہ ہر جگہ ہر برائی کا زمہ دار حکومت،سیاستدانوں اور سسٹم کو سمجھتے ہیں ۔۔ بہت سی جگہ پر ہم ٹھیک بھی ہوتے ہیں لیکن ہمیں اپنی بھی اصلاح کرنا ہوتی ہے ہمارے اس قومی ہیروں بلکہ پوری مسلم دنیا کے ہیرو علامہ… pic.twitter.com/xJ7VM1PnHb
— Ahsan Wahid (@AhsanWahid13) December 16, 2025
ایک سوشل میڈیا صارف نے کہا کہ حکومت پنجاب کو ایسے واقعات کی روک تھام یقینی بنانی چاہیئے۔
’اقبالؔ بھی اقبالؔ سے آگاہ نہیں ہے
کچھ اس میں تمسخر نہیں واللہ نہیں ہے‘حکومت پنجاب کو ایسے واقعات کی روک تھام یقینی بنانی چاہیئے۔@MaryamNSharif @AzazSyed @HamidMirPAK @AmirSaeedAbbasi pic.twitter.com/eAbSrD3KUG
— Media Talk (@mediatalk922) December 17, 2025
متعدد صارفین نے حکومت اور متعلقہ اداروں سے مطالبہ کیا ہے کہ قومی ہیروز کے مجسموں اور تاریخی مقامات کے تحفظ کے لیے مؤثر اقدامات کیے جائیں اور نئی نسل کو قومی شخصیات کے احترام اور اہمیت سے آگاہ کرنے کے لیے تعلیمی و سماجی سطح پر شعور بیدار کیا جائے۔
