وزیراعظم پاکستان کی ہدایت پر نیشنل ڈیزاسٹر مینجمنٹ اتھارٹی (این ڈی ایم اے) نے فلسطین کے لیے مزید امدادی سامان روانہ کر دیا ہے۔ یہ 100 ٹن پر مشتمل امدادی سامان الخدمت فاؤنڈیشن کے تعاون سے بھیجی گئی 27ویں کھیپ ہے۔
مزید پڑھیں: پنجاب میں دھند اور ملک بھر میں سرد موسم کی شدت، موٹر ویز بند، این ڈی ایم اے کا الرٹ جاری
امدادی سامان بذریعہ خصوصی پرواز علامہ اقبال انٹرنیشنل ایئرپورٹ لاہور سے روانہ کیا گیا۔ روانہ کی گئی کھیپ میں کمبل، ترپال، کپڑے اور خواتین کے لیے ضروری سامان کی کٹس شامل ہیں۔ اب تک 27 امدادی کھیپوں کے ذریعے بھیجی گئی کل امداد کا مجموعی وزن 2627 ٹن ہو چکا ہے۔
تقریب کے مہمانِ خصوصی وزیر خزانہ پنجاب میاں مجتبیٰ شجاع الرحمٰن اور وزیر ہاؤسنگ پنجاب میاں بلال یاسین تھے۔ تقریب میں این ڈی ایم اے اور وزارت خارجہ کے افسران کے ساتھ حکومتی نمائندگان اور الخدمت فاؤنڈیشن کے ارکان بھی موجود تھے۔
مزید پڑھیں: غیر ملکی سفارتکاروں کا این ڈی ایم اے کا دورہ، سیلابی صورتحال اور امدادی اقدامات پر بریفنگ
حکومت پاکستان نے کہا ہے کہ وہ اس مشکل وقت میں فلسطین کے عوام کے ساتھ کھڑی ہے اور ان کی ضروریات کو پورا کرنے کی ہر ممکن کوشش کی جائے گی۔
