کراچی میں متعین ایئرپورٹ سیکیورٹی فورس کا مسافروں سے ہتک آمیز رویہ جاری ہے، تازہ اطلاعات کے مطابق حج پر جانے والی خاتون کے بال کاٹ دیے گئے۔ سیما بانو نامی خاتون کراچی سے حج کے لیے جناح انٹرنیشنل ایئرپورٹ سے روانہ ہورہی تھیں۔
مزید پڑھیں
خاتون نے انسدادِ منشیات فورس (اے این ایف) کے اسکینر پر سیکیورٹی کلیئرنس کروائی تھی لیکن اے ایس ایف کی خاتون اہلکار رضوانہ نے شک کی بنیاد پر سیما بانو کو روکا، ساتھی اہلکاروں کے ہمراہ تلاشی کے لیے کمرے میں لے جا کر تلاشی لی اور اس دوران سیما بانو کے سر کر بال کاٹ دیے۔
کاٹے گئے بال کو دوبارہ اسکینر میں ڈالا گیا لیکن کوئی مشکوک چیز سامنے نہیں آئی، اے ایس ایف کی خاتون اہلکار نے مسافر سیما بانو کے بالوں پر شک ظاہر کیا تھا، خاتون اہلکار رضوانہ کے تذلیل آمیز رویے کے بعد سیما بانو کو فلائیٹ پر جانے دیا گیا، تاہم اے ایس ایف اہلکاروں نے خفت سے بچنے کے لیے معاملے کو چھپالیا ہے۔