امریکی انتظامیہ کی جانب سے انسانی اسمگلنگ کا الزام عائد کیے جانے کے بعد معروف سماجی شخصیت صارم برنی کو گرفتار کر لیا گیا۔
مزید پڑھیں
صارم برنی کو اس وقت گرفتار کیا گیا جب کہ امریکا سے کراچی پہنچے تھے، ایف آئی اے حکام کے مطابق صارم برنی کی گرفتاری امریکی حکام کی جانب سے انسانی اسمگلنگ میں ملوث ہونے کے الزام کے بعد عمل میں آئی ہے۔
صارم برنی کو کراچی ایئرپورٹ سے حراست میں لیا گیا ہے، وہ امریکا کے دورے کے بعد کراچی پہنچے تھے۔ ایف آئی اے کے مطابق صارم برنی کو ایف آئی اے اینٹی ٹریفکنگ اینڈ ہیومن اسمگلنگ نے حراست میں لیا ہے۔
صارم برنی کون ہیں؟
صارم برنی کراچی کے رہائشی اور ایک سماجی کارکن ہیں۔ وہ معروف سماجی رہنما انصار برنی کے بھائی ہیں۔ یہ دونوں بھائی پاکستان میں فلاحی کاموں کے لیے مشہور ہیں۔ صارم برنی انٹرنیشنل ویلفئر ٹرسٹ بچوں کی فلاح و بہبود کا فلاحی ادارہ ہے جو ہزاروں بچوں کو پناہ فراہم کرچکا ہے۔ اس ادارے کا دعویٰ ہے کہ یہ انسانی اسمگلنگ کو روکنے کے لیے بھی کوشاں ہے۔
صارم برنی ٹرسٹ کے ذرائع کا کہنا ہے کہ فلاحی ادارہ اب تک ہزاروں خواتین کو پناہ فراہم کرچکا ہے اور یہ سلسلہ پاکستان اور دیگر ممالک میں بھی جاری ہے۔ واضح رہے کہ صارم برنی ٹرسٹ ایک نان پرافٹ ادارہ ہے جس کا کا کام یتیم، بے سہارا اور لا چار لوگوں کی مدد کرنا ہے۔
