سابق صدر مملکت ڈاکٹر عارف علوی نے کہا ہے کہ بات گھر کے مالک سے ہوگی، باہر کھڑے ٹھیلے والے یا مالی سے نہیں ہوگی۔
فیصل آباد میں ایک تقریب سے خطاب کرتے ہوئے عارف علوی نے کہاکہ عمران خان کو ملک چھوڑنے کی پیشکش کی گئی تھی جو انہوں نے مسترد کردی، عمران خان نے کہاکہ کچھ بھی ہوجائے وہ ملک میں ہی رہیں گے۔
مزید پڑھیں
سابق صدر مملکت نے کہاکہ جن لوگوں نے عمران خان کو سزائیں دلوائیں وہ خاک میں مل جائیں گے۔
واضح رہے کہ عارف علوی نے گزشتہ روز لاہور میں میڈیا نمائندوں سے گفتگو کے دوران کہا تھا کہ پاکستان میں احتساب کرنا ممکن ہی نہیں، میں تو ہمت ہار گیا ہوں۔
عارف علوی کا کہنا تھا کہ ایوب خان سے لے کر آج تک احتساب ہماری ترجیح ہی نہیں، اور لوگوں کو بھی اس کا یقین ہے۔
سائفر کیس کے حوالے سے گفتگو کرتے ہوئے سابق صدر نے کہاکہ اسلام آباد ہائیکورٹ نے مناسب فیصلہ دیا کیونکہ بلاوجہ کیس بنایا گیا تھا۔