بجلی ایک مرتبہ پھر مہنگی، فی یونٹ کتنا اضافہ ہوا؟

نیشنل الیکٹرک پاور ریگولیٹری اتھارٹی (نیپرا) نے بجلی کی قیمت میں 3 روپے سے زائد کا اضافہ کرتے ہوئے بجلی کے صارفین پر ایک مرتبہ پھر بجلی گرا دی ہے۔

نیپرا نے ماہانہ فیول پرائس ایڈجسٹمنٹ کی مد میں بجلی مہنگی کرتے ہوئے ایک ماہ کے لیے قیمت میں 3 روپے 33 پیسے فی یونٹ کا اضافہ کردیا ہے،

نیپرا نے اپریل کے فیول چارج ایڈجسٹمنٹ کی مد میں اضافے کا نوٹیفکیشن بھی جاری کر دیا ہے، جس کے مطابق بجلی کی قیمت میں اضافہ ایک ماہ کے لیے کیا گیا ہے جس میں بجلی 3 روپے 33 پیسے فی یونٹ مہنگی کی گئی ہے۔

نیپرا نوٹیفکیشن کے مطابق بجلی کے صارفین اضافی ادائیگیاں رواں ماہ کے بلوں میں کریں گے، تاہم اضافے کا اطلاق کے الیکٹرک صارفین پر نہیں ہوگا۔

واضح رہے کہ سینٹرل پاور پرچیزنگ ایجنسی نے نیپرا میں دائر اپنی درخواست میں فیول چارج ایڈجسٹمنٹ کی مد میں 3 روپے 49 پیسے کا اضافہ طلب کیا تھا، نیپرا نے مذکورہ درخواست پر 30 مارچ کو سماعت کے بعد اپنا فیصلہ محفوظ کرلیا تھا۔