سعودی عرب کی ریل کمپنی (سار) مشاعر مقدسہ ٹرین چلاتی ہے، جو عازمینِ حج کو 9 اسٹیشنوں کے ذریعے منتقل کرتی ہے۔
یہ سفرعرفات سے شروع ہوتا ہے، مزدلفہ سے گزرتا ہوا منیٰ پر ختم ہوتا ہے۔ مشاعر ٹرین کا بیڑا 16 ٹرینوں پر مشتمل ہے، جو 80 کلومیٹر فی گھنٹہ کی رفتار سے چلتی ہیں۔
یہ ٹرینیں 18 کلومیٹر طویل دوہری ریلوے لائن کے ذریعے اسٹیشنوں کو جوڑتی ہیں۔ ہر ٹرین میں 3000 مسافروں کی گنجائش ہے، مجموعی طور پر یہ سسٹم ایک گھنٹے میں 72,000 مسافروں کو منتقل کر سکتا ہے۔
مشاعر مقدسہ ٹرین حجاج کرام کے سفر کو نہایت آسان اور تیز رفتار بناتی ہے، جس سے ان کے حج کے تجربے میں بہتری آتی ہے اور انہیں مقدس مقامات تک پہنچنے میں سہولت فراہم ہوتی ہے۔
