آج 7 حج پروازوں کے ذریعے 1200 حجاج کرام وطن پہنچیں گے۔
ترجمان مذہبی امور کے مطابق آج 20 جون کو 4 مختلف شہروں میں 7 حج پروازوں کے ذریعے 1200 حجاج کرام وطن پہنچیں گے۔
مزید پڑھیں
ترجمان کے مطابق جدہ سے ملتان 150 حجاج لیے پہلی حج پروازPF723 دن ساڑھے بارہ بجے پہنچے گی، جب کہ لاہور میں 190 حجاج کرام کو لے کر PA471 دن 2:15 بجے اترے گی۔کراچی میں180 حجاج کے ساتھ پہلی حج پرواز PA173 دن 2 بج کر 35 منٹ پر اترے گی، اور اسلام آباد میں 200 مسافروں کے ساتھ پہلی حج پروازPA273 دن 3 بجکر 20 منٹ پر اترے گی۔
ترجمان کے مطابق ملتان میں 180 مسافروں کو لیے دوسری حج پروازPA873 آج دن 3 بجکر 35 منٹ پر اترے گی۔ اسلام آباد میں 150 مسافروں کو لیے دوسری حج پروازPF719 شام 6 بجے پہنچے گی۔جبکہ لاہور میں 150 مسافر لئے دوسری حج پرواز PF721 شام 7 بجے پہنچے گی۔
ترجمان کے مطابق 720حجاج کرام روضہ رسولؐ پر حاضری کیلئے آج مدینہ منورہ روانہ کیے جائیں گے۔
70 ہزار سرکاری عازمین حج کی وطن واپسی 21 جولائی کو مکمل ہوگی
ترجمان مذہبی امور کے مطابق جدہ سے حجاج کی وطن واپسی کیلئے حج فلائٹ آپریشن 9 جولائی تک جاری رہے گا۔ مدینہ منورہ سے آخری حج پرواز 21 جولائی کو وطن واپس پہنچے گی۔70 ہزار سرکاری عازمین حج کی وطن واپسی 21 جولائی کو مکمل ہو گی۔
