پی آئی اے کی پہلی پرواز حاجیوں کو لے کر کراچی ائیر پورٹ پہنچ گئی ہے۔
مزید پڑھیں
کی جدہ سے کراچی کی پہلی بعد از حج پرواز پی کے 860 آج دوپہر 160 حجاج کو لے کر کراچی پہنچی، پی آئی اے کے ڈسٹرکٹ منیجر عمر خان، ائیرپورٹ مینیجر جاوید پیچوحو اور پی آئی اے کے دیگر افسران نے حجاج کرام کا استقبال کیا۔
پی آئی اے 35 ہزار سے زائد حجاج کو سعودی عرب سے 171 پروازوں کے ذریعے وطن واپس لائے گی۔
سرکاری حج اسکیم کے تحت تقریباً 19 ہزار 500 حجاج، پرائیویٹ حج اسکیم کے تحت 14 ہزار 900 اور تقریباً 630 خدام حجاج پاکستان پہنچیں گے، پی آئی اے حجاج کرام کی واپسی کے لیے کراچی، اسلام آباد، لاہور، ملتان، سیالکوٹ اور پشاور کے لیے بعد از حج پروازیں چلا رہی گی۔
سکھر اور کوئٹہ کے حجاج کراچی سے بذریعہ سڑک سفر کریں گے، پی آئی اے بعد از حج آپریشن 21 جولائی کو اختتام پذیر ہوگا۔
