لاہور ہائیکورٹ کے 5 رکنی لارجر بینچ نے پی ٹی آئی سے بلے کا انتخابی نشان واپس لینے کے خلاف دائر درخواست پر سماعت کی۔
مزید پڑھیں
جسٹس شمس محمود مرزا کر سربراہی میں بنے لارجر بینچ میں جسٹس شاہد کریم ،جسٹس شہرام سرور چودھری، جسٹس جواد حسن اور جسٹس رسال حسین شامل ہیں۔
درخواست میں استدعا کی گئی کہ پی ٹی آئی کے انٹرا پارٹی الیکشن کے خلاف الیکشن کمیشن کی کارروائی کو کالعدم قرار دیا جائے۔
یہ بھی استدعا کی گئی کہ الیکشن ایکٹ کی انتخابی نشان سے متعلق شقوں کو آئین سے متصادم قرار دیا جائے اور ہی ٹی ائی کو بلے کا انتخابی نشان دوبارہ الاٹ کیا جائے۔
عدالت نے پی ٹی آئی کی بلے کا انتخابی نشان واپس لینے کے لیے دائر درخواست پر الیکشن کمیشن سمیت دیگر فریقین کو نوٹس جاری کرتے ہوئے جواب طلب کر لیا۔
