اپنے دلچسپ اور جوشیلے انداز اور دبنگ بیانات کے سبب کم عرصے میں بے پناہ مقبولیت حاصل کرنے والے پاکستان تحریک انصاف (پی ٹی آئی) کے رہنما اور وکیل شیر افضل مروت کی ایک ویڈیو سوشل میڈیا پر وائرل ہورہی ہے جس میں وہ ایک انٹرویو دے رہے ہیں۔
دورانِ انٹرویو ان کا بیٹا کیمرے کے سامنے آکر ڈانس شروع کردیتا ہے جس پر اینکر کہتا ہے کہ آپ کا بیٹا بہت شرارتی ہے۔ جواباً شیر افضل مروت کہتے ہیں کہ یہ ’ونڈرفل بے غیرت ہے‘۔
اس جملے پر سوشل میڈیا صارفین کی جانب سے دلچسپ ردِعمل دیا جارہا ہے۔ ایک صارف نے لکھا کہ ’پروگرام تو وڑ گیا‘ کے بعد شیر افضل مروت نے نئی ٹرم متعارف کروا دی ’ونڈر فل بے غیرت‘۔
وڑ گیا کے بعد شیر افضل مروت نے نئی ٹرم متعارف کرا دی ! "ونڈر فل بے غیرت ! " pic.twitter.com/oLETGBmp5d
— Arsalan Khan (@arsalantweets1) June 23, 2024
کئی صارفین نے شیر افضل مروت کے حسِ مزاح کی تعریف کی تو کئی صارفین یہ کہتے نظر آئے کہ ہنسنے کا انداز بتا رہا ہے کہ انٹرویو کے بعد شیر افضل مروت نے اپنے بیٹے کی خوب پٹائی کی ہوگی۔
Ye es ki hansi bata rahi es ne baad mey bache ki sahee se pitai ki hogi 😄 https://t.co/Hru4hKHGlB
— Shumaila Rehman (@SR_shum) June 23, 2024
راجہ اخلاق جنجوعہ نے شیر افضل مروت کو تنقید کا نشانہ بناتے ہوئے کہا کہ جیسی قوم ہے یہ بھی ویسے ہی ہیں، اور یہ بخوبی جانتے ہیں کہ عوام کو ایسی ہی باتیں پسند آتی ہیں۔
بس جیسی قوم ہے ویسے ہی یہ ہیں انکو بھی پتا اس قوم کو ایسی ہی چولیں پسند۔ https://t.co/ATCG9IVaJh
— Raja Akhlaq Janjua (@IamRajaAkhlaq) June 23, 2024
خیال رہے کہ ’پروگرام تو وڑ گیا‘ کا جملہ پہلی بار پی ٹی آئی رہنما نے صحافی کو دیے گئے انٹرویو میں استعمال کیا تھا۔ شیر افضل مروت سے صحافی نے سوال کیا تھا کہ انہوں نے پاکستان مسلم لیگ (ن) کے سینیٹر افنان اللہ خان کے ساتھ جاوید چوہدری کے ٹاک شو میں کیوں لڑائی کی تھی؟
ساتھ ہی صحافی نے ان سے سوال کیا تھا کہ لڑائی کے بعد پروگرام جاری رہا یا نہیں؟ جس پر شیر افضل نے کہا تھا کہ نہیں نہیں پروگرام کہاں جاری رہا پروگرام تو وڑ گیا۔
ان کا مذکورہ جملہ کافی وائرل ہوا تھا اور اس پر اب تک ملک بھر میں میمز بنائی جاتی ہیں جبکہ اسے سیاسی طور پر بھی استعمال کیا جاتا رہا ہے۔
