خیبرپختونخوا حکومت نے موسم کی خرابی کے باعث شندور پولو فیسٹیول ملتوی کردیا۔
صوبائی حکومت کی جانب سے فیسٹیول ملتوی کرنے کا اعلامیہ بھی جاری کردیا گیا ہے۔
خراب موسمی حالات یا امن و امان کی خراب صورتحال؛ خیبر پختونخوا کے کلچر اور ٹورازم ڈیپارٹمنٹ نے چترال میں 28 سے 30 جون 2024 تک ہونے والے شندور پولو فیسٹیول کو ملتوی کر دیا۔#shandurpolofestival2024 pic.twitter.com/maOrJgym8i
— umar | عمر 🆇 (@iUmarKhattak) June 24, 2024
حکومت کی جانب سے کہا گیا ہے کہ رواں برس پولو فیسٹیول کا انعقاد 28 سے 30 جون کو ہونا تھا تاہم غیرمتوقع برفباری کی وجہ سے ایونٹ کو ملتوی کیا جارہا ہے۔
محکمہ ثقافت و سیاحت کی جانب سے جاری کیے گئے اعلامیہ میں کہا گیا ہے کہ موسم کی خراب صورتحال کے باعث ایونٹ کو ملتوی کیا گیا ہے۔
اعلامیے میں یہ نہیں بتایا گیا کہ موسم ٹھیک ہونے پر ایونٹ کا انعقاد کب ہوگا۔
