افغانستان کرکٹ ٹیم کے پہلی بار ورلڈ کپ سیمی فائنل کے لیے کوالیفائی کرنے پر شائقین کرکٹ سڑکوں پر نکل آئے اور ملک کے کئی مقامات پر جشن منانے کے لیے اکٹھے ہوگئے۔ افغانستان نے آج سنسی خیز مقابلے کے بعد بنگلادیش کو 8رنز سے شکست دی اور ساتھ ہی آسٹریلیا کو بھی ورلڈ کپ کی دوڑ سے باہر کردیا۔
مزید پڑھیں
افغانستان میں شائقین کرکٹ اپنی ٹیم کی کامیابی کا جشن منانے سڑکوں پر نکل آئے، ملک کے مختلف شہروں میں کئی مقامات پر شائقین اکٹھے ہوئے اور اپنی ٹیم کی بہترین کارکردگی پر جشن مناتے رہے۔ شائقین اپنی ٹیم سے خوشی کا اظہار کرنے گھروں اور مارکیٹوں کی چھتوں پر چڑھ گئے اور نعرے لگاتے رہے۔
𝐍𝐚𝐧𝐠𝐚𝐫𝐡𝐚𝐫 𝐄𝐫𝐮𝐩𝐭𝐬! 🤩
Unbelievable scenes in Jalalabad City! #AfghanAtalan | #T20WorldCup | #GloriousNationVictoriousTeam pic.twitter.com/CCW4cwdi6V
— Afghanistan Cricket Board (@ACBofficials) June 25, 2024
افغانستان کے مختلف علاقوں کابل، خوست، نگرہار اور جلال آباد میں بڑی تعداد میں لوگ گھروں سے نکل آئے اور اپنی ٹیم کی بڑی کامیابی پرخوشیاں مناتے رہے۔
Cricket fans gather in Paktia province to celebrate #AfghanAtalan's qualification for the #T20WorldCup Semi-Finals. 🤩https://t.co/26GhawhaIi#AfghanAtalan | #T20WorldCup | #AFGvIND | #GloriousNationVictoriousTeam pic.twitter.com/QFL72eBk2S
— Afghanistan Cricket Board (@ACBofficials) June 25, 2024
دوسری جانب افغان وزیر خارجہ مولوی امیر خان متقی نے ٹی20 ورلڈ کپ کے سیمی فائنل میں افغانستان کی قومی کرکٹ ٹیم کی رسائی پر ٹیم کے کپتان راشد خان سے ویڈیو کال پر گفتگو کی اور مبارکباد دی، اور آئندہ بھی اسی طرح جارحانہ کھیل پیش کرنے اور ملک کا نام روشن کرنے کی امید ظاہر کی۔
د هېواد د بهرنیو چارو وزیر ښاغلي امیر خان متقي د نړیوال جام نیمه پایلوبو ته د افغان اتلانو د لارموندنې په پار لوبډلمشر راشد خان ته مبارکي ورکړه او لوبډلې ته یې د لا زیاتو بریاو غوښتنه وکړه، د دوی بشپړې ټیلیفوني خبرې اترې دلته اورېدلی شئ. pic.twitter.com/YMz3jI6Mwe
— Afghanistan Cricket Board (@ACBofficials) June 25, 2024
افغانستان کرکٹ بورڈ نے اپنے سوشل میڈیا اکاؤنٹ ایکس پر ملک بھر میں منائے جانے والے جشن کی ویڈیوز شیئر کیں، جس میں دیکھا جا سکتا ہے کہ کتنی بڑی تعداد میں افغانی اپنی ٹیم کو سپورٹ کرنے اور کرکٹ سے پیار کا اظہار کرنے سڑکوں پر امڈ آئے ہیں۔
𝐊𝐡𝐨𝐬𝐭 𝐚𝐭 𝐢𝐭 𝐚𝐠𝐚𝐢𝐧! 🤩
They know how to celebrate #AfghanAtalan's heroics at the #T20WorldCup! 👏💪#AFGvAUS | #GloriousNationVictoriousTeam pic.twitter.com/SZQ0O1xt0Z
— Afghanistan Cricket Board (@ACBofficials) June 25, 2024
خیال رہے سپر8 مرحلے کے آخری اور اہم میچ میں بنگلا دیش کے خلاف سنسنی خیز مقابلے کے بعد فتح حاصل کرکے افغانستان نے ٹی20 ورلڈ کپ کے سیمی فائنل کے لیے کوالیفائی کرلیا ہے۔
The madness in Afghanistan. 🤯🇦🇫 pic.twitter.com/MyYrAcFidr
— Mufaddal Vohra (@mufaddal_vohra) June 25, 2024
کپتان راشد خان کی قیادت میں افغانستان نے بنگلہ دیش کو ڈرک ورتھ لوئس میتھڈ کے تحت 8رنز سے شکست دی، جس کا مطلب یہ تھا کہ انہوں نے ٹورنامنٹ فیورٹ، آسٹریلیا کو سیمی فائنل کی دوڑ سے باہر کردیا۔
واضح رہے اس ورلڈ کپ میں افغانستان نے نیوزی لینڈ اور آسٹریلیا جیسی ٹیموں کو زبردست شکست سے دوچار کیا، اور فتوحات کے بعد راشد خان کی قیادت میں ٹورنامنٹ کے فائنل فور میں پہنچنے میں کامیابی حاصل کی۔