ٹی20 ورلڈ کپ 2024 کے پہلے سیمی فائنل میں جنوبی افریقہ افغانستان کو 9 وکٹوں سے شکست دے کر فائنل میں پہنچ گیا ہے۔
مزید پڑھیں
پہلے سیمی فائنل میں افغانستان نے جنوبی افریقہ کے خلاف ٹاس جیت کر پہلے بیٹنگ کا فیصلہ کیا، افغانستان کی پوری ٹیم 11.5 اوورز میں محض 56 رنز بنا کر آؤٹ ہوگئی۔
افغانستان کی جانب سے عظمت اللہ عمر زئی 10، ابراہیم زدران 2، گلبدین نائب 9، ننگیالیا خروٹے 2، کریم جنت 8، راشد خان 8 اور نوین الحق 2 رنز اسکور کر پائے۔
جنوبی افریقہ کی جانب سے مارکو جانسن اور تبریز شمسی نے 3، 3 جبکہ رباڈا اور اینرک نوکیا نے 2، 2 وکٹیں حاصل کیں۔
جنوبی افریقہ نے جوابی اننگز میں افغانستان کا دیا گیا ہدف ایک وکٹ کے نقصان پر 8.4 اوورز میں ہی حاصل کرلیا۔
جوابی اننگز میں جنوبی افریقہ کے اوپنر کوئنٹن ڈی کوک 5 رنز بنا کر پویلین لوٹے، جنوبی افریقہ کے ریزا ہینڈرکس نے 29 اور کپتان ایڈرن مارکرم نے 23 رنز کی ناٹ آؤٹ اننگز کھیلی۔
یاد رہے کہ ٹی20 ورلڈ کپ کا دوسرا سیمی فائنل بھارت اور انگلینڈ کے درمیان شام ساڑھے سات بجے پروویڈینس میں ہوگا، ایونٹ کا فائنل ہفتہ 29 جون کو برج ٹاؤن میں کھیلا جائے گا۔
