ٹی20 ورلڈکپ 2024 کے پہلے سیمی فائنل میں جنوبی افریقہ سے بدترین شکست سے دوچار ہونے والی افغان کرکٹ ٹیم کے کپتان نے جذباتی پیغام جاری کردیا ہے۔
مزید پڑھیں
سُپر ایٹ میں آسٹریلیا جیسی مضبوط ٹیم کو شکست دینے کے بعد بنگلادیش سے فتح حاصل کرنے والی افغانستان کی ٹیم کو سیمی فائنل میں جنوبی افریقہ کے ہاتھوں بدترین شکست کا سامنا کرنا پڑا۔
ٹرینیڈاڈ اینڈ ٹوباگو کے برائن لارا اسٹیڈیم میں کھیلے گئے میچ میں افغانستان کی پوری ٹیم 11.5 اوورز میں 56 رنز بناکر آل آوٹ ہوئی، جواب میں جنوبی افریقہ نے 57 رنز کا ہدف 8.5 اوورز میں ایک وکٹ کے نقصان پر حاصل کرلیا۔
میچ کے بعد افغان کرکٹ ٹیم کے کپتان راشد خان نے سوشل میڈیا سائٹ ایکس پر جذباتی پیغام جاری کیا ہے، ان کے پیغام میں چار تصاویر شامل ہیں۔
We will always remember this #T20WorldCup !
The fight put ahead by each and every one of this team is commendable and I’m really proud of all of us! 🇦🇫
We will continue to build from here and comeback with more grit in the next one 💪
Thank you to each and everyone who… pic.twitter.com/MbzdTSlROR
— Rashid Khan (@rashidkhan_19) June 27, 2024
راشد خان نے تصاویر کے کیپشن میں لکھا ہے کہ وہ اس ٹی20 ورلڈ کپ کو ہمیشہ یاد رکھیں گے۔ ’ٹیم میں سے ہر ایک کی طرف سے لڑی جانے والی لڑائی قابل ستائش ہے اور مجھے اپنی ٹیم پر فخر ہے، آنے والے دنوں میں مزید حوصلے کے ساتھ واپسی کریں گے۔‘
انہوں نے لکھا کہ ہر اس شخص کا شکریہ جنہوں نے ہم پر یقین کیا اور لڑائی کو جاری رکھنے میں ہماری مدد کی۔
