مشہور بھارتی اداکار سنیل شیٹی نے کہا ہے کہ مزید فلموں میں کام نہ کرنے پر وہ گووندا سے کافی ناراض ہیں۔
غیر ملکی میڈیا رپورٹس کے مطابق سنیل شیٹی کا کہنا ہے کہ ان کی خواہش ہے کہ گووندا مزید فلموں میں کام کریں۔ گووندا بالی ووڈ کے 90 کی دہائی کے مقبول ترین چہروں میں سے ایک تھے جنہوں نے کئی مزاحیہ فلموں میں کام کیا۔
میڈیا رپورٹس کے مطابق بھارتی اداکار نے کہا ہے کہ گووندا کی آخری ریلیز 2019 کی رنگیلا راجہ تھی۔ اس کے بعد انہوں نے کسی پروجیکٹ پر کام نہیں کیا۔
سنیل شیٹی نے مزید کہا کہ گووندا جب آپ کے ساتھ کھڑا ہوتا ہے یا آپ کے ساتھ پرفارم کر رہا ہوتا ہے تو آپ کو اچھا محسوس ہوتا ہے۔ لیکن وہ ان سے ناراض ہیں کیونکہ وہ مزید فلمیں نہیں کر رہے انہیں واپس آنا چاہیے اس لیے کہ وہ اداکاری کے لیے پیدا ہوا ہے۔
گزشتہ سال بھارتی فلم ڈائریکٹر روہت شیٹی نے بھی گووندا کی تعریف کرتے ہوئے کہا تھا کہ اگر گووندا کو اس کا حق ملتا تو وہ آج سب سے بڑا سپر اسٹار کہلاتا۔
سنیل اور گووندا نے سنہ 2008 میں فلم لوٹ میں ایک ساتھ کام کیا۔ گوندا نے قلی نمبر 1، دیوانہ مستانہ، دولہے راجہ، اناڑی نمبر 1 اور پاٹنر جیسی ہٹ فلموں میں بھی اپنی اداکاری کا لوہا منوایا۔
