مشہور فلم پائریٹس آف دی کریبین کے اداکار تمایو پیری امریکا کے اوہایو بیچ پر سرفنگ کرتے ہوئے شارک کے حملے کا شکار ہوئے اور چند ہی لمحوں میں جان کی بازی ہار گئے۔
مزید پڑھیں
49 سالہ تمایو پیری اتوار کے روز اوہایو کے ملایکہانہ بیچ پر سرفنگ کررہے تھے اس دوران ایک شارک نے ان پر حملہ کیا، لیکن زخم گہرے اور زیادہ ہونے کی وجہ سے چند لمحوں بعد ہی انتقال کرگئے۔
تمایو پیری ایک مشہور سرفر تھے، اور امریکی ریاست ہوائی میں مقیم تھے۔ انہوں نے جونی ڈیپ کی پائریٹس آف دی کیریبین سمیت کئی فلموں میں بھی اداکاری کے جوہر دکھائے تھے۔
سرفر کمیونٹی میں بڑا نام رکھنے والے تمایو پیری لائف گارڈ اور پیشہ ور سرفر تھے۔ انہوں نے swashbuckling کی چوتھی قسط ’Piretes of the Caribbean: On Stranger Tides‘ میں ایک بحری قزاق کا کردار ادا کیا تھا۔
تمایو پیری مختلف امریکی ڈراموں اور سیزنز میں بھی نظر آئے تھے، ان کی مشہور فلموں میں 2002 کی سرفنگ فلم ’بلیو کرش‘ شامل ہے۔ ان کے انتقال پر مختلف بڑی شخصیات نے افسوس کا اظہار کیا۔
اوشین سیفٹی کے قائم مقام سربراہ کرٹ لیگر نے کہا کہ بطور لائف گارڈ، پیری سے اوہو کے شمالی ساحل پر ہر ایک پیار کرتا تھا۔ تمایو کی شخصیت دل لبھانے والی تھی، اور جتنا لوگ ان سے پیار کرتے تھے، وہ ان سب سے اس سے کہیں زیادہ پیار کرتے تھے۔
تمایو پیری کی پیدائش اور پرورش اوہایو میں ہوئی، 1999 میں، پیری نے پائپ لائن ماسٹرز کا ٹرائل سیکشن جیتا، جس نے مرکزی ایونٹ کا دروازہ کھولا اور انہیں پیشہ ورانہ سرفنگ کے بڑے مرحلے تک پہنچا دیا۔ تمایو پیری نے کیلی سلیٹر اعزاز حاصل کیا، جسے سرفنگ میں اب تک کا سب سے بڑا اعزاز تصور کیا جاتا ہے۔
کچھ عرصہ کے بعد وہ پائپ لائن کے میئر اور لائف اسٹائل سرفر بن گئے تھے جو بڑی لہروں کا مقابلہ کرنے کے لیے جانے جاتے تھے۔
