الیکشن ٹربیونلزکی تشکیل کے لاہور ہائیکورٹ کے فیصلے کے خلاف الیکشن کمیشن کی اپیل پر سماعت آج ہو گی۔
چیف جسٹس قاضی فائز عیسیٰ کی سربراہی میں 5 رکنی لارجر بینچ ساڑھے 11 بجے سماعت کرے گا۔
بینچ میں جسٹس امین الدین خان، جسٹس جمال مندوخیل ، جسٹس نعیم اختر افغان اور جسٹس عقیل عباسی شامل ہیں۔
20 جون کو سپریم کورٹ کے 3 رکنی بینچ نے لارجر بینچ کی تشکیل کے لیے معاملہ کمیٹی کو بھجوایا تھا۔
مزید پڑھیں: http://چیف جسٹس لاہور ہائیکورٹ نے مزید 6 الیکشن ٹربیونلز تشکیل دیدیے
الیکشن کمیشن کا مؤقف ہے کہ اسے الیکشن ٹربیونلز کی تشکیل کا اختیار حاصل ہے اور لاہور ہائیکورٹ کا ٹربیونلز کی تشکیل کا فیصلہ قانون کے خلاف ہے کیوں کہ ہائیکورٹ الیکشن کمیشن کے اختیارات استعمال نہیں کر سکتی۔
الیکشن کمیشن نے سپریم کورٹ سے لاہور ہائیکورٹ کے فیصلے کو کالعدم قرار دینے کی استدعا کی ہوئی ہے۔