بالی ووڈ کی سپر اسٹار جوڑی دیپیکا پڈوکون اوررنویرسنگھ کے پہلے بچے سے متعلق بہت چرچے ہورہے ہیں اور اس حوالے سے پیشگوئیاں کی جارہی ہیں کہ ان کے ہاں بیٹا ہوگا یا بیٹی۔
اسٹار جوڑی کی شادی کے بعد مداح جلد ان کی اولاد دیکھنے کی خواہش کا اظہار کرتے نظر آئے مگر جوڑی نے 6 سال بعد یہ خوشخبری اپنے انسٹاگرام اکاؤنٹ پر ایک پوسٹ کے ذریعے مداحوں کو دی تھی۔
یہ بھی پڑھیں: دیپیکا پڈوکون کے رنویرسنگھ سے ’تعلقات‘ پر ہوشربا انکشاف
اگرچہ یہ خبریں بھی گردش کررہی ہیں کہ دیپیکا پڈوکون سروگیسی کی مدد سے پہلی اولاد کو اس دنیا میں خوش آمدید کہے گی اور اس بات کو چھپانے کے لیے جعلی بیبی بم لگا کر گھوم رہی ہیں لیکن اس حوالے سے کوئی تصدیق نہیں کی جاسکی ہے۔
ان تمام قیاس آرائیوں کے درمیان بھارت کے معروف شخصیت نجومی پنڈت جگنانتھ کی جانب سے کی گئی پیشگوئی خبروں کی زینت بن چکی ہے۔
مزید پڑھیں: شوبز انڈسٹری سے دوری، دیپیکا پڈوکون کی نئی مصروفیات کیا ہیں؟
جگنانتھ نے 2 سال قبل بھارتی نیوز ویب سائٹ کو دیے گئے انٹرویو میں پیشگوئی کی تھی کہ دیپیکا اور رنویر کو اس اچھی خبر کے لیے سال 2024 تک کا انتظار کرنا پڑے گا۔ انہوں نے یہ بھی دعویٰ کیا تھا کہ دیپیکا پڈوکون اوررنویرسنگھ کے ہاں بیٹے کی پیدائش ہوگی جو اپنے والدین کا شہزادہ ہوگا۔
