بالی ووڈ سپراسٹار سلمان خان 58 برس کے ہو جانے کے باوجود ابھی تک غیرشادی شدہ ہیں اور ان کی شادی انڈسٹری میں سب سے زیادہ زیر بحث موضوعات میں سے ایک رہی ہے۔ سلمان خان کے مداحوں کو بھی بے صبری سے اداکار کی شادی کا انتظار ہے۔
یہ بھی پڑھیں:سلمان خان سے شادی کرلوں، امیشا پٹیل نے مداحوں سے رائے مانگ لی
سلمان خان کی شادی ایک بار پھر موضوع بحث ہے کہ انہوں نے بالی ووڈ اداکارہ جوہی چاولہ کے لیے رشتہ بھیجا تھا لیکن اداکارہ کے والد نے شادی کی پیشکش مسترد کردی تھی۔
بھارتی میڈیا کے مطابق سلمان خان نے ایک انٹرویو کے دوران اپنی شادی سے متعلق گفتگو کرتے ہوئے بتایا تھا کہ اُنہیں اپنے کیریئر کی شروعات میں جوہی چاولہ بہت پسند تھیں، وہ انہیں معصوم لگتی تھیں اور جب اُنہوں نے اداکارہ کے والد سے رشتہ مانگا تو انہوں نے صاف انکار کردیا تھا۔
یہ بھی پڑھیں:سوناکشی سنہا کے شوہر ظہیر اقبال کا سلمان خان سے کیا تعلق ہے؟
اس حوالے سے جب جوہی چاولہ سے پوچھا گیا تو اداکارہ کا کہنا تھا کہ سلمان خان نے اُن کے کیریئر کے آغاز میں شادی کے لیے رشتہ بھیجا تھا، اس وقت سلمان خان اتنے مقبول نہیں تھے اور نہ ہی وہ ان کو اچھے سے جانتی تھیں اس لیے انہوں نے شادی کی پیشکش قبول کرنے سے انکار کر دیا تھا۔
واضح رہے کہ سلمان خان ماضی میں کئی نامور بالی ووڈ اداکاراؤں کے ساتھ تعلق میں رہے ہیں جن میں سرفہرست ایشوریا رائے اور کترینہ کیف ہیں۔
