اسٹیج اور ٹی وی میں اپنی اداکاری کے جوہر دکھانے والے معروف پاکستانی اداکار مجاہد رانا انتقال کرگئے ہیں، جنہیں لاہور کے مقامی قبرستان میں سپرد خاک کردیا گیا۔
یہ بھی پڑھیں منفرد لب و لہجے کے عالمی شہرت یافتہ اداکار طلعت حسین انتقال کر گئے
میڈیا رپورٹس کے مطابق مجاہد رانا کو جگر اور مہروں کا عارضہ لاحق تھا اور لاہور کے مقامی اسپتال میں ان کا ایک ہفتے سے علاج چل رہا تھا۔
مجاہد رانا کی عمر تقریباً 60 برس تھی، اور ان کا انتقال لاہور میو اسپتال کے ایسٹ میڈیکل وارڈ میں ہوا۔
مرحوم کی نماز جنازہ داتا دربار لاہور میں ادا کی گئی جس کے بعد انہیں مقامی قبرستان میں سپرد خاک کیا گیا۔
یہ بھی پڑھیں ’ماچس ہوگی آپ کے پاس؟‘ معروف اداکار نثار قادری انتقال کرگئے
یاد رہے کہ مجاہد رانا نے ہزاروں اسٹیج ڈراموں کے ساتھ لاتعداد ٹی وی ڈراموں میں بھی اپنی اداکاری کے جوہر دکھائے۔
