بھارت کے امیر ترین تاجر میکش امبانی کے بیٹے اننت امبانی 2 روز قبل رادھیکا مرچنٹ کے ساتھ شادی کے بندھن میں بندھ گئے ہیں، یہ ایسی شادی ہے جس کے پوری دنیا میں چرچے ہوئے۔
اننت امبانی کی شادی میں پیسے کو پانی کی طرح بہایا گیا، صرف شادی کی مختلف تقریبات میں پرفارم کرنے والوں نے اربوں روپے سمیٹ لیے۔
دُلہے میاں اننت امبانی نے اپنی شادی کی تقریب میں شرکت کرنے والے اپنے تمام دوستوں سمیت معروف اداکار شاہ رخ خان رنویر سنگھ کو بیش قیمت گھڑیاں تحفے میں دیں۔
View this post on Instagram
میڈیا رپورٹس کے مطابق اس ایک گھڑی کی قیمت 2 کروڑ بھارتی روپے سے زیادہ ہے۔
اننت امبانی کی جانب سے تحفے میں دی گئی گھڑی میں 41 ملی میٹر 18 قیراط پنک گولڈ کا کیس ہے جو 9.5 ملی میٹر موٹا، نیلم کرسٹل بیک اور اسکرو لاک کراؤن کے ساتھ ہے۔
گھڑی میں پنک گولڈ ٹن والا اندرونی بیزل اور مینوفیکچر کیلیبر 5134 سیلف وائنڈنگ موومنٹ شامل ہے جس میں ایک مستقل کیلنڈر بھی ہے۔
واضح رہے کہ اننت امبانی اور رادھیکا مرچنٹ کی شادی کی تقریبات مارچ میں 3 روزہ جشن سے شروع ہوئی تھیں۔
