سابق امریکی صدر اور ریپبلکن امیدوار ڈونلڈ ٹرمپ پر ہفتے کے روز قاتلانہ حملہ ہوا، انتخابی ریلی کے دوران ٹرمپ کو اس وقت فائرنگ کا نشانہ بنایا جب وہ اپنے حامیوں سے خطاب کررہے تھے۔
گولی سابق صدر کے دائیں کان کو چُھو کر گزر گئی جبکہ حملے میں 1 شخص ہلاک اور 2 زخمی ہوگئے۔ سیکیورٹی پر مامور اسنائپرز کی جوابی کارروائی میں حملہ آور مارا گیا لیکن اس سے حملے پر سوالات بھی اٹھائے جا رہےہیں۔
صارفین نے ایک ویڈیو شیئر کی جس میں حملہ آور کی جانب سے فائرنگ کیے جانے کے چند لمحوں بعد ہی سیکریٹ سروس اہلکاروں نے حملہ آور کو ہلاک کردیا۔ اس پر سوال اٹھایا جا رہا ہے کہ اسنائپر کے زاویے کو دیکھیں جس نے شوٹر کو پہلے ڈونلڈ ٹرمپ پر فائر کرنے کا موقع دیا اور پھر جوابی کارروائی کرتے ہوئے اس کومارا۔
Check out this angle. Counter snipers see something and engage? #shooter #snipers pic.twitter.com/lD3J651SkJ
— Colagram (@coladoggxxx) July 14, 2024
ایک صارف نے سیکریٹ سروس اہلکار کی قابلیت پر سوال اٹھاتے ہوئے لکھا کہ جب شوٹر نے سابق صدر ڈونلڈ ٹرمپ پر گولی چلائی تو کاؤنٹر اسنائپر پہلے تو جُھک گیا اور اپنی نظر مخصوص دائرے سے ہٹا دی پھر اس کے چند لمحوں بعد دوبارہ حرکت میں آکر شوٹنگ کی۔
The counter sniper flinches and pulls his eye off the scope when the shooter fired at Trump. Then the counter sniper slides his knee back and moves his entire shooting position. 😮
— John Witter (@JohnWitter_Ag) July 14, 2024
جیمی نامی صارف لکھتے ہیں کہ جب حملہ آور کو دیکھ لیا گیا تھا تو ڈونلڈ ٹرمپ کو ریلی سے خطاب کرنے سے کیوں نہیں روکا گیا اور انہیں سیفٹی کور کیوں نہیں دیا گیا؟ صارف نے اسنائپر پر سوال اٹھاتے ہوئے کہا کہ وہ ایسے وقت میں کس طرح سابق صدر کے خطاب کو جاری رہنے دے سکتے تھے کیا اس کی کوئی منطق ہے؟
This is wild. Why wouldn’t they tell the president to stop speaking and take cover? How do they let him keep speaking without warning him? Does this make sense? #Shooter https://t.co/ljNe9IBf8U
— Jimmy Dore (@jimmy_dore) July 14, 2024
ایک صارف نے سوال کیا کہ کیا ایسا ممکن ہے کہ سیکرٹ سروس کے اسنائپر نے شوٹر کو دیکھا اور اس کی جانب سے ٹرمپ پر گولی مارنے کا انتظار کیا۔
Is it possible they spotted the shooter and waited him to shoot before opening fire? https://t.co/50QHgzOVKV
— Orion (@MPXaviere) July 14, 2024
ایک ایکس صارف لکھتے ہیں کہ ایک تربیت یافتہ اسنائپر جب کسی مشتبہ ٹارگٹ کو دیکھتا ہے تو کبھی بھی اپنی نظریں اس سے نہیں ہٹاتا لیکن ٹرمپ کی سیکیورٹی پر مامور اسنائپر نے اپنی نظریں مخصوص دائرے سے ہٹا دیں۔
This counter-sniper officer is going to have some 'plaining to do.. IMO..
Watch his reactions.. a well-trained SWAT sniper would NEVER take their eye off the scope once they're are locked onto a suspected target.. https://t.co/3n3igIr34Y
— Ron Reece (@Mujhunter) July 14, 2024
ترکیہ کے ایک ایکس پیج کی جانب سے ویڈیو شیئر کرتے ہوئے کہا گیا کہ اس ویڈیو میں شواہد موجود ہیں کہ کیسے سیکرٹ سروس کے اسنائپر نے پہلے ہی حملہ آور پر نشانہ باندھ رکھا ہے لیکن پھر بھی اسے 5 فائر کرنے کا موقع دیا اور اس کے بعد ہی شوٹر کو مارا۔
🔴 ایک عام موبائل فون سے کھینچی گئی ویڈیو نے نئے شواہد پیش کر دئیے- ویڈیو میں سیکرٹ سروس کے اسنائپر کو دیکھا جا سکتا ہے جنہوں نے پہلے ہی شوٹر پر نشانہ باندھ رکھا تھا- اسنائپرز نے شوٹر کو پانچ فائر کرنے کا موقع دیا اور پھر اس کو مار دیا- pic.twitter.com/ZM3rT9eOSz
— RTEUrdu (@RTEUrdu) July 14, 2024
واضح رہے کہ ڈونلڈ ٹرمپ پر پنسلوینیا کے شہر بٹلر میں ریلی کے دوران ہفتے کو ایک قاتلانہ حملہ ہوا جس کے نتیجے میں ایک شخص کی جان گئی اور سابق صدر ٹرمپ سمیت 2 افراد زخمی ہوگئے تھے جبکہ فائرنگ کرنے والا حملہ آور مارا گیا۔
سابق امریکی صدر ڈونلد ٹرمپ پر گزشتہ روز کی جانے والی فائرنگ کا واقعہ پہلا نہیں اس سے قبل بھی متعدد امریکی صدور اور شخصیات پر اس طرح کے حملے ہوتے رہے ہیں۔
