’کتا بھی وی لاگر بننا چاہتا ہے‘ کتے کا بچہ مائیک لے کر بھاگ گیا، ویڈیو وائرل

دنیا بھر میں اکثر ایسے منفرد اور عجیب و غریب واقعات پیش آتے رہتے ہیں جو سب کی توجہ سمیٹ لیتے ہیں اور مقبولیت کی وجہ سے موضوع بحث بھی رہتے ہیں۔ ایسا ہی ایک واقعہ ننھے وی لاگر کے ساتھ پیش آیا جس کا مائیک کتے کا بچہ لے کر بھاگ نکلا۔

کتے کے بچے کی مائیک اٹھا کر بھاگنے کی ویڈیو سوشل میڈیا پر وائرل ہو گئی، وائرل ویڈیو میں دیکھا جا سکتا ہے کہ ایک کتا وی لاگنگ کرتے ہوئے بچے کا مائیک منہ میں لے کر بھاگ جاتا ہے، بچہ کتے کے پیچھے بھاگتے ہوئے اس سے التجا کرتا ہے کہ مجھے مائیک واپس کر دو میں نے اس مائیک سے ویڈیو بنانی ہوتی ہے۔

بچہ کہتا ہے میں نے یہ مائیک ساڑھے چار سو روپے کا لیا ہے تمہیں اس کے پیسے دے دوں گا لیکن یہ والا مائیک مجھے واپس دے دو۔ لیکن وہ چھوٹا کتا اس بچے کی ایک نہیں سنتا اور مائیک لے کر دوڑا چلا جاتا ہے، بالآخر ایک مقام پر جاکر کتا مائیک چھوڑ دیتا ہے اور بچہ شکر ادا کرتا ہے۔

Wholesome Kalesh b/w a Puppy and Kid over puppy Steals his mic, just a mic theif pic.twitter.com/tfz83e9xsu

— Ghar Ke Kalesh (@gharkekalesh) April 24, 2024

اس مزاحیہ ویڈیو پر صارفین نے محظوظ ہوتے ہوئے مختلف ردعمل کا اظہار کیا، ایک صارف کا کہنا تھا کہ کتا بھی وی لاگر بننا چاہتا ہے اس لیے مائیک لے کر بھاگ گیا۔

Puppy wants to be a vlogger

— Kakul Misra (@KakulMisra) April 24, 2024

ایک صارف نے مزاحیہ انداز میں لکھا کہ یہ مائیک کتے کو ہی دے دو اس نے بھی وی لاگ بنانا ہو گا۔

Usey v vlog banana hoga dede bhii

— Death Hammer (@death_hammer_) April 24, 2024

ایک ایکس صارف نے اس حوالے سے اپنا تجربہ بیان کرتے ہوئے لکھا کہ کتے کچھ بھی اٹھا کر لے جاتے ہیں، صارف نے لکھا کہ ایک بار وہ بارش میں جا رہے تھے کہ ایک کتا ان کا جوتا چھین کر بھاگ گیا۔

Ye kutte saale kuch bhi le jate hai,ekbaar me baarish me jaa raha tha saalon ne ek juta leke bhaag gaya

— Manash Ranjan Parida (@ManashR58707842) April 24, 2024

زیادہ تر صارفین کا کہنا تھا کہ یہ ویڈیو دیکھ کر بہت مزہ آیا اور ہم ایسی اور بھی ویڈیوز دیکھنا چاہتے ہیں۔