ہاردک پانڈیا اور اہلیہ نے علیحدگی کا فیصلہ کرلیا، نتاشا نے سوشل میڈیا پر پیغام میں کیا کہا؟

جمعرات 18 جولائی 2024
icon-facebook icon-twitter icon-whatsapp

بھارتی کرکٹ اسٹار ہاردک پانڈیا نے اہلیہ سے علیحدگی اختیار کرلی، ہاردک پانڈیا نے آج اپنے ایک بیان میں نتاشا اسٹینکووچ سے علیحدگی کا اعلان کرتے ہوئے کہا کہ 4سال ساتھ رہنے کے بعد، دونوں نے باہمی طور پر الگ ہونے کا فیصلہ کیا ہے۔

ہاردک پانڈیا نے ان کے تعلقات کے بارے میں قیاس آرائیوں کو ختم کرتے ہوئے اپنی اہلیہ نتاشا اسٹینکووچ سے علیحدگی کا اعلان کردیا۔ ٹیم انڈیا کے آل راؤنڈر نے اپنے آفیشل انسٹاگرام پروفائل پر ایک بیان جاری کرتے ہوئے اس خبر کی تصدیق کی۔

مزید پڑھیں: ہاردک پانڈیا کی نئی لڑکی کے ساتھ ویڈیو وائرل، بیوی نتاشا نے انسٹا اسٹوری پر کیا پیغام دیا؟

نتاشا اسٹینکووچ نے بھی انسٹاگرام اکاؤنٹ پر علیحدگی کی تصدیق کرتے ہوئے اپنے پیغام میں کہا کہ 4 سال ساتھ رہنے کے بعد میں نے اور ہاردک نے باہمی طور پر الگ ہونے کا فیصلہ کیا ہے۔ دونوں نے مل کر اپنی پوری کوشش کی اور اپنا سب کچھ دیا، لیکن کارگر نہ ہوسکا، اس لیے علیحدگی اختیار کرنا پڑی، لیکن ابھی ہمیں یقین ہے کہ یہ ہم دونوں کے بہترین مفاد میں ہے۔

انہوں نے لکھا کہ یہ ہمارے لیے ایک مشکل فیصلہ تھا، جسے ہم نے خوشی و باہمی احترام سے مکمل کیا، اس رشتے نے ہمیں ہمارے بیٹے آگستیہ سے نوازا، جو ہماری دونوں زندگیوں کے مرکز میں رہے گا اور اس کی خوشی کے لیے اسے وہ سب کچھ دیں گے جو ہم کرسکتے ہیں۔

خیال رہے گزشتہ چند مہینوں سے ہاردک اور نتاشا کے درمیان تعلقات کو لے کر قیاس آرائیاں جاری تھیں۔ کچھ عرصہ قبل نتاشا نے آل راؤنڈر کے ساتھ اپنی تمام تصاویر انسٹاگرام سے ڈیلیٹ کردی تھیں جس سے ان کی علیحدگی کی افواہوں کو ہوا ملی۔

واضح رہے ہاردک پانڈیا کا یہ بیان بھارتی کرکٹ بورڈ کی جانب سے سری لنکا کے خلاف ٹی20 سیریز کے لیے ٹیم انڈیا کے اسکواڈ کا اعلان کرنے کے فوراً بعد آیا ہے، جس میں سوریہ کمار یادو کو ٹی20 کا نیا کپتان مقرر کیا گیا ہے۔

یہ بھی پڑھیں: ہاردک پانڈیا کی نئی لڑکی کے ساتھ ویڈیو وائرل، بیوی نتاشا نے انسٹا اسٹوری پر کیا پیغام دیا؟

ہاردک گزشتہ ماہ ورلڈ کپ میں ہندوستان کے آخری ٹی20 اسائنمنٹ میں نائب کپتان تھے، لیکن آل راؤنڈر کو فٹنس کے خدشات کی وجہ سے کپتانی کے لیے نظر انداز کر دیا گیا اور بتایا گیا کہ ہاردک کو اس فیصلے کے بارے میں پہلے ہی آگاہ کر دیا گیا تھا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

اٹلی: غزہ کے حق میں لاکھوں افراد کا مظاہرہ، پولیس سے جھڑپیں

61 سال پہلے ممبئی آکر بے گھر اور بھوکا رہا، جاوید اختر کا اپنے کیرئر کے بارے میں جذباتی پیغام

بی جے پی کی اسلام دشمنی میں شدت، ضلع سنبھل میں 4 ماہ کے دوران دوسری مسجد شہید

وفاق کے فیصلے کے برعکس کے پی حکومت نے ایمل ولی کو سیکیورٹی فراہم کردی

وزیر اعظم شہباز شریف آج سرکاری دورے پر ملائیشیا روانہ ہوں گے

ویڈیو

کدو اب نظر انداز نہیں ہوگا، اسکردو میں منفرد ’کدو فیسٹیول‘

علم بانٹنے والے معاشرے کے معماروں کو سلام، 5 اکتوبر استاد کا عالمی دن

نیتن یاہو نے اسلامی ممالک کے 20 نکات ٹرمپ سے کیسے تبدیل کروائے؟ نصرت جاوید کے انکشافات

کالم / تجزیہ

لاہور کی تاریخی آندھی، جب دن کے وقت رات ہوگئی

بچے اکیلے نہیں جاتے

جین زی (Gen Z) کی تنہائی اور بے چینی