ماضی میں ٹی وی اسکرین پر رومانوی جوڑی کے طور پر نظر آنے والے نامور اداکار فواد خان اور اداکارہ صنم سعید کی 12 سال بعد ایک ساتھ واپسی ہوئی ہے، جبکہ اس بار دونوں رومانوی جوڑی کے بجائے بہن بھائی کے کردار میں ویب سیریز میں جلوہ گر ہوئے ہیں۔
گزشتہ روز ان کی ڈراما سیریل برزخ کی پہلی قسط بھارتی یوٹیوب چینل زندگی اور اسٹریمنگ ویب سائٹ زی فائیو (Zee5)پر ریلیز کی گئی۔
یہ بھی پڑھیں : صنم سعید نے 5 مختلف لہجوں میں بات کرکے سب کو حیران کردیا
’برزخ‘ کے ذریعے تقریبا 12 سال بعد صنم سعید اور فواد خان کی ایک ساتھ اسکرین پر واپسی ہوئی ہے، اس سے قبل دونوں نے ایک ساتھ زندگی گلزار ہے میں کام کیا تھا۔
View this post on Instagram
ہدایت کار عاصم عباسی کی لکھی اور بنائی گئی ویب سیریز برزخ کو بھارتی پروڈیوسرز نے پروڈیوس کیا ہے اور اسے بھارتی اسٹریمنگ ویب سائٹ زی فائیو کے لیے ہی بنایا گیا تھا۔
یہ بھی پڑھیں : فواد خان کا ڈرامے ’میرے پاس تم ہو‘ کا تجزیہ، کوزے میں دریا بند کردیا
’برزخ‘ میں صنم سعید اور فواد خان نے سوتیلے بہن، بھائی کا کردار ادا کیا ہے، دونوں ایک ہی والد مگر الگ الگ ماؤں کے بچے بنے ہیں۔
View this post on Instagram
شائقین نے اس سیریز کی پہلی قسط کو بے حد پسند کیا ہے، زی فائیو کی جانب سے بتایا گیا ہے کہ سیریز کی نئی قسط ہر منگل اور جمعے کو ریلیز کی جائے گی، تاہم ممکنہ طور پر یہ 6 سے 8 قسطوں پر مشتمل ہوگی۔
’برزخ ’ کی کہانی ایک 76 سالہ شخص کی دوسری شادی اور اس کے خاندان کو شادی کی تقریب میں مدعو کیے جانے سمیت خاندان کے مختلف مسائل کے گرد گھومتی ہے۔
