مسلم لیگ ن کے صدر اور سابق وزیراعظم نواز شریف کے سابق پولیٹیکل سیکرٹری اور قریبی ساتھی آصف کرمانی نے پارٹی چھوڑنےکا اعلان کردیا۔ انہوں نے نواز شریف کے لیے اپنے پیغام میں کہا کہ نواز شریف صاحب سب اچھا نہیں ہے، تفصیلی بیان جلد جاری کروں گا۔
آصف کرمانی نے ن لیگ سے علیحدگی اختیار کرنے کے بعد اپنے ایک بیان میں کہا کہ وہ کافی عرصے سے خود کو مسلم لیگ ن کے سیاسی معاملات سے علیحدہ کرچکے تھے، ابھی باقاعدہ علیحدگی کا اعلان کیا ہے۔
آصف کرمانی کا کہنا تھا کہ عوام مہنگائی اور بجلی کے بلوں سے مر رہے ہیں، خوشامدی ٹولہ سب اچھا کی گردان کر رہا ہے، اور نواز شریف بے خبر ہیں۔
انہوں نے کہا کہ نواز شریف کو ان حالات سے متعلق آگاہ کرنے کی لیکن خوشامدی ٹولے کی وجہ سے ممکن نہیں ہوسکا۔
ان کا کہنا تھا کہ خوشامدی ٹولہ تو یہی کہہ رہا ہے کہ سب اچھا ہے لیکن نواز شریف صاحب! سب اچھا نہیں ہے۔
انہوں نے اس حوالے سے کہا ہے کہ جلد اپنا ایک تفصیلی بیان جاری کروں گا، اور آگاہ کروں گا کہ پارٹی کو چھوڑنے کی وجہ کیا ہے۔
