امریکا نے پاکستان تحریک انصاف کے دفاتر پر چھاپوں اور ترجمان رؤف حسن کی گرفتاری پر ردعمل کا اظہار کیا ہے۔
امریکی محکمہ خارجہ کے ترجمان میتھیو ملر نے کہاکہ بحیثیت ترجمان جب کسی ترجمان کی گرفتاری دیکھتا ہوں تو ذاتی طور پر پریشان ہوتا ہوں۔
یہ بھی پڑھیں رؤف حسن و دیگر کے خلاف پیکا ایکٹ کے تحت اسپیڈی ٹرائل کا فیصلہ
انہوں نے کہاکہ اپوزیشن رہنماؤں کی گرفتاریوں کو دیکھتے ہیں تو پریشان ہوتے ہیں، پاکستان میں قانون کی حکمرانی اور اس کے تحت مساوی انصاف دیکھنا چاہتے ہیں۔
ترجمان امریکی محکمہ خارجہ نے کہاکہ پاکستان میں آزادی اظہار، پرامن اجتماع جیسے انسانی حقوق کے احترام کی حمایت کرتے ہیں، اور زور دیتے ہیں کہ ان اصولوں کا پاکستان کے آئین، قوانین کے مطابق احترام کیا جائے۔
یہ بھی پڑھیں تحریک انصاف پر پابندی کے حکومتی فیصلے پر امریکا کا اظہار تشویش
پاکستان میں قیام پذیر افغان مہاجرین کی مدت میں ایک سال کی توسیع کے سوال پر انہوں نے کہاکہ اس کا جواب بعد میں دوں گا۔
