کاؤنٹر ٹیررازم ڈیپارٹمنٹ (سی ٹی ڈی) نے کارروائی کرکے کراچی پولیس کے دفتر پر حملے کے ماسٹر مائنڈ و کالعدم تحریک طالبان پاکستان کے دہشتگرد کو ہلاک کردیا ہے۔
یہ بھی پڑھیں : حیدر آباد: سی ٹی ڈی اور رینجرز کی کارروائی، کالعدم تنظیم کا کمانڈر گرفتار
ڈی آئی جی سی ٹی ڈی آصف اعجاز شیخ کے مطابق کراچی میں ناردرن بائی پاس پر موچکو کے علاقے میں مقابلے کے بعد کالعدم تحریک طالبان کا دہشتگرد مارا گیا، ہلاک دہشتگرد کراچی پولیس آفس پر حملے کا ماسٹر مائنڈ تھا۔
یہ بھی پڑھیں : اسامہ بن لادن کا چیف سیکیورٹی آفیسر گجرات سے گرفتار
آصف اعجاز شیخ نے بتایا کہ خفیہ اطلاع پر سی ٹی ڈی نے چھاپہ مارا، وہاں موجود دہشتگرد نے سی ٹی ڈی پر فائرنگ کردی، دہشتگرد کی فائرنگ کے دوران سب انسپکٹر عرفان کی بلٹ پروف جیکٹ میں گولی لگی، تاہم وہ محفوظ رہے۔
انہوں نے بتایا کہ سی ٹی ڈی کی جوابی فائرنگ سے ایک دہشتگرد شدید زخمی ہوگیا جوکہ اسپتال پہنچنے سے پہلے ہی ہلاک ہوگیا، ہلاک دہشتگرد کے قبضے سے پستول اور موٹر سائیکل برآمد ہوئی ہے۔
