پی ٹی آئی کے رہنما اعظم سواتی نے لاہور ہائیکورٹ میں میڈیا سے گفتگو کرتے ہوئے کہا ہے کہ عمران خان ملک قوم اور عوام کا مجرم نہیں ہے وہ اپنے ضمیر کا مجرم ہے کہ وہ ملک کو بنانا چاہتا تھا۔
یہ بھی پڑھیں:میرے استعفے کا شیر افضل مروت کے خلاف کارروائی سے کوئی تعلق نہیں، اعظم سواتی
ان کا کہنا تھا کہ ہم اور قوم خوشحالی کے لیے ساتھ کھڑے ہیں۔ جعلی وزیر اعظم اور جعلی صدر بنا دیا تو پھر ملک کا یہی ہوگا۔
انہوں نے کہا کہ میڈیا کے لوگوں کو اٹھایا جارہا ہے، ملک چھوڑنے پر مجبور ہیں، میں ان لوگوں کو سلام پیش کرتاہوں جنہوں نے یہ ساری پریشانیاں اٹھائیں۔
اعظم سواتی کا کہنا تھا کہ سنا ہے کہ پی ایم ایل این کے کچھ لوگ کہہ رہے ہیں کہ انصاف صرف تحریک انصاف کو مل رہا ہے۔ ہمیں عدالتوں سے کوئی رعایت نہیں مل رہی۔ میں 76 سال کی اس عمر میں عدالتوں کے چکر کاٹ رہا ہوں۔
یہ بھی پڑھیں:پی ٹی آئی رہنما اعظم سواتی کو ایک اہم مقدمے میں ضمانت مل گئی
انہوں نے سوال کیا کہ آج اسمگلنگ کون کر رہا ہے اور بھتہ کون لے رہا ہے؟ مجھے بے لباس کس نے کیا؟ ہماری بیٹیوں کو کس نے اٹھایا؟ پاکستان کا نام انہوں نے بد نام کرکے رکھ دیا ہے۔
انہوں نے کہا میں ان وکلا کو سلام پیش کرتا ہوں جنہوں نے اس پورے نظام کو ننگا کردیا ہے۔
