وزیر داخلہ محسن نقوی نے انتظامیہ کو ہدایت کی کہ نکاسی آب کے لیے متعلقہ افسران اور عملہ فیلڈ میں موجود رہے، بارش سے پیدا صورتحال سے نمٹنے کے لیے تمام وسائل بروئے کار لائے جائیں گے، نالوں کی نگرانی کے لیے اضافی عملہ اور مشینری لگائی جائے۔
وزیر داخلہ محسن نقوی نے بارش کے بعد پیدا ہونے والی صورتحال سے نمٹنے کے لیے ہدایات جاری کرتے ہوئے کہا کہ انتظامیہ الرٹ رہے اور شاہراؤں، نالوں اور آبی گزرگاہوں کی مانیٹرنگ کو یقینی بنائے، ٹریفک کی روانی یقینی بنانے کے لیے پولیس فعال انداز میں فرائض سرانجام دے۔
مزید پڑھیں: آندھی طوفان اور شدید بارشیں، این ڈی ایم اے نے الرٹ جاری کردیا
وزیر داخلہ نے ہدایت جاری کرتے ہوئے کہا کہ بارش سے پیدا ہونے والی صورتحال سے نمٹنے کے لیے تمام وسائل بروئے کار لائے جائیں گے، افسران اور عملے کو فیلڈ میں رہنے کی ہدایت کی گئی ہے، تاہم ہر صورت عوام کو آسانی فراہم کی جائے۔
وزیر داخلہ نے انڈر پاسز اور دیگر مقامات پر پانی کی نکاسی کو یقینی بنانے کی ہدایت کرتے ہوئے کہا کہ ٹریفک کی روانی یقینی بنایا جائے اور بارش میں شہریوں کی مشکلات کے ازالے کے لیے کوئی کسر اٹھا نہ رکھی جائے۔
وزیر داخلہ نے تمام محکموں کو ہدایت کی کہ جہاں جہاں نالوں اور سڑکوں پر پانی کھڑا ہے وہاں اضافی عملہ اور مشینری لگا کر جلد از جلد نکاسی آب کا کام مکمل کیا جائے۔
