مشہور پاکستانی مصنف اور پروڈیوسر خلیل الرحمان قمر اس وقت اپنے متعدد تنازعات کی وجہ سے خبروں کی زینت بنے ہوئے ہیں، وہ اپنے حالیہ اغوا کے واقعے کے بعد عوام میں موضوعِ گفتگو بنے ہوئے ہیں۔ تاہم، ان کی وائرل ہونے والے ویڈیوز کے بعد بہت سے لوگ ان پر تنقید بھی کر رہے ہیں، یہاں تک کہ ان کی بیٹی حجاب خلیل بھی سوشل میڈیا پر تنقید کی زد میں ہیں۔
خلیل الرحمان قمر کے تنازعات کے بعد سوشل میڈیا صارفین ان کی بیٹی حجاب خلیل کو نشانہ بنا رہے ہیں جو سوشل میڈیا پر ابھرتی ہوئی ٹک ٹاکر ہیں۔ حجاب خلیل اکثر اپنے سوشل میڈیا پر مختلف ڈائیلاگز اور گانوں پر لپ سنک ویڈیوز پوسٹ کرتی رہتی ہیں۔
مزید پڑھیں: خلیل الرحمان قمر کی ’ڈرامہ سازی‘ کرتے مبینہ نازیبا ویڈیو وائرل
حال ہی میں حجاب خلیل نے سوشل میڈیا پر تازہ ویڈیو اپلوڈ کی ہے جس پر صارفین نے ان کو تنقید کا نشانہ بنایا ہے، اور ان سے خلیل الرحمان قمر کے بارے میں سوالات کرتے دکھائی دے رہے ہیں۔ بہت سے لوگوں نے اپنے تبصروں میں ان کو اپنے والد کا خیال رکھنے کا مشورہ بھی دیا ہے۔
View this post on Instagram
کچھ لوگ ان کو ویڈیوز پوسٹ کرنے پر تنقید کر رہے ہیں، کہ والد پر کیس چل رہا ہے اور بیٹی سوشل میڈیا پر ایکٹنگ کررہی ہے وغیرہ وغیرہ۔ جس کے بعد حجاب خلیل نے اپنا کمینٹس سیکشن محدود کر دیا ہے اور وہ منفی تبصروں کو نظر انداز کر رہی ہے۔
کچھ صارفین ان کو ان کے والد کی ویڈیو لیک دیکھنے کا بھی مشورہ دے رہے ہیں، اور ان کو دھونس دے رہے ہیں کہ اپنے والد کو سمجھائیں کہ یہ حرکتیں نہ کریں۔
یہ بھی پڑھیں: خاتون نے کبھی نہیں بتایا کہ وہ اکیلی رہتی ہیں، خلیل الرحمان قمر کا اغوا کے بعد پہلا انٹرویو
دوسری جانب کچھ لوگ مصنف و ڈرامہ نگار خلیل الرحمان قمر کا دفاع بھی کر رہے ہیں اور کہہ رہے ہیں کہ یہ ویڈیوز مصنوعی ذہانت سے تیار کی گئی ہیں اور انہیں حقوق نسواں کے خلاف ان کے موقف کی وجہ سے نشانہ بنایا جا رہا ہے۔
