اسپیکر قومی اسمبلی سردار ایاز صادق سے پاکستان تحریک انصاف کے پارلیمانی وفد نے اسد قیصر کی قیادت میں ملاقات کی ہے، جس میں الیکشن ایکٹ ترمیمی بل پر تحفظات کا اظہار کیا گیا ہے۔
ملاقات کے دوران تحریک انصاف کے وفد نے اپنے دیگر تحفظات اور شکایات بھی اسپیکر تک پہنچادیں، اور پارلیمانی امور پر تبادلہ خیال کیا گیا۔
یہ بھی پڑھیں حکومت مذاکرات کے لیے تیار لیکن اب پی ٹی آئی کو کوئی پیشکش نہیں کی جائے گی، عرفان صدیقی
ذرائع کے مطابق تحریک انصاف کے وفد نے اپنی جماعت کے اراکین کی گرفتاری کا معاملہ اٹھایا، اور ان کے پروڈکشن آرڈر جاری کرنے کا مطالبہ کیا۔
اسپیکر ایاز صادق نے یقین دہانی کرائی کے معاملہ قواعد کے مطابق دیکھا جائے گا۔
ملاقات کے دوران اپوزیشن اراکین نے الیکشن ایکٹ ترمیمی بل پر بھی اسپیکر کو اپنے تحفظات سے آگاہ کیا۔
یہ بھی پڑھیں سپریم کورٹ کے فیصلے کے بعد ہمارے ارکان اسمبلی کو ٹارگٹ کیا جارہا ہے، عدالت نوٹس لے، پی ٹی آئی
وفد میں اسد قیصر کے علاوہ علی محمد خان، عامر ڈوگر، رائے حسن نواز اور خرم شہزاد شامل تھے۔
