مسجد نبوی کے امام فضیلۃ الشیخ ڈاکٹر صلاح بن محمد البدیر 7 روزہ خیرسگالی دورہ پر پاکستان پہنچ گئے۔
وفاقی وزیر مذہبی امور بین المذاہب ہم آہنگی چوہدری سالک حسین، سعودی سفیر نواف سعید المالکی، سیکریٹری مذہبی امور ذوالفقار حیدر نے پاکستان آمد پر ڈاکٹر صلاح بن محمد البدیر کا استقبال کیا۔
یہ بھی پڑھیں: اسرائیل نے مسجد اقصیٰ کے امام شیخ عکرمہ صبری کو گرفتار کر لیا
اس موقع پر گفتگو کرتے ہوئے وفاقی وزیر مذہبی امور چوہدری سالک حسین نے کہا کہ معزز مہمان کی پاکستان آمد باعث رحمت و برکت ہو گی۔
انہوں نے کہا کہ مسجد نبوی کے امام فیصل مسجد میں نماز جمعہ کی امامت کریں گے اور اپنے دورہ کے دوران وہ صدر مملکت، وزیراعظم اور دیگر رہنماؤں سے ملاقاتیں بھی کریں گے۔
یہ بھی پڑھیں: مسجد نبویؐ میں گھومنے والا بزرگ پاکستانی چرواہا عرب ٹائم لائنز پر وائرل
وزیر مذہبی امور نے کہا کہ امام مسجد نبوی الشیخ ڈاکٹر صلاح البدیر جید پاکستانی علمائے کرام سے ملاقاتیں بھی کریں گے۔
