وزیراعظم شہباز شریف نے مزید کہا کہ 200سے لیکر500یونٹ تک گھریلوصارفین پر بہت بڑا بوجھ ہے، پاورسیکٹرز کے مسائل حل کرنے کے لیے دن رات کام کررہے ہیں، غریب آدمی مہنگائی میں پس گیا ہے لیکن غریب کو مہنگائی اور مہنگی بجلی سے فوری آزاد نہیں کرسکتے۔
وزیر اعظم میاں محمد شہباز شریف نے علما ومشائخ کانفرنس سے خطاب کرتے ہوئے کہا کہ حکومت اورآئینی اداروں کے درمیان قریبی تعاون ہے، جتنے اتحاد اوراتفاق کی ضرورت آج ہے پہلے کبھی نہ تھی، جتنا تعاون سیاسی حکومت اور آئینی اداروں میں آج ہے پہلے کبھی نہیں تھا، سیاسی کیریئر میں کبھی حکومت اور اداروں میں ایسا تعاون نہیں دیکھا۔
مزید پڑھیں: پی ٹی آئی کی آفیشل ویب سائٹ سے سپہ سالار اور ان کے خاندان کیخلاف باتیں کی جارہی ہیں، وزیر اعظم شہباز شریف
وزیراعظم شہباز شریف نے آرمی چیف جنرل سید عاصم منیر کی تعریف کرتے ہوئے کہا کہ ان کی تقریر پرجوش تھی، آرمی چیف جنرل عاصم منیر کی تقریر سب کے لیے مشعل راہ ہے، انہوں نے اپنی تقریرمیں قرآن پاک کا حوالہ دیا ہے، اتنی پرجوش تقریر کے بعد کسی اضافے کی ضرورت ہی نہیں ہے۔
’قانون نافذ کرنے والے اداروں نے دہشتگردی کیخلاف بہت قربانیاں دی ہیں‘۔
وزیراعظم نے کہا کہ پاکستان کے بہترین مفاد میں اداروں کے درمیان اشتراک آئندہ کے لیے رول ماڈل ہے، پاکستان کے لیے بڑوں اور اکابرین نےعظیم قربانیاں دیں، قوم میں تقسیم کو روکنے کے لیے علمائے کرام سے زیادہ معتبرآواز کوئی ہو نہیں سکتی۔
’9مئی کو جو ہوا اس سے زیاد دلخراش واقعہ پاکستان کی تاریخ میں نہیں ہوا‘۔
وزیر اعظم کا کہنا تھا کہ علما سے لائق طبقہ کوئی نہیں جو امن کا پیغام لے کرچلے، حکومت عوام کی پریشانیاں کم کرنے کے لیے دن رات محنت کررہی ہے۔ ملک کاغریب آدمی مہنگائی میں پس گیا ہے، جو لوگ پاکستانیت کالبادہ اوڑھ کر دشمنی کررہے انہیں پہچاننا ہے، ہم تہیہ کرلیں تو پاکستان کو اقوام عالم میں عظیم مقام دلاسکتے ہیں۔۔
’خدا کرے یہ آئی ایم ایف کا آخری پروگرام ہو‘۔
یہ بھی پڑھیں: وزیر اعظم کی منتخب نمائندوں سے بجلی چوری روکنے میں حکومت کی معاونت کی اپیل
انہوں نے کہا کہ ہم نے ترقیاتی کاموں سے کاٹ کر 200 یونٹ ماہانہ استعمال کرنے والے بجلی صارفین کو ریلیف دینے کے لیے 50 ارب روپے رکھے، لیکن 200 سے 500 یونٹ تک بجلی استعمال کرنے والے صارفین پر بھی بہت بڑا بوجھ ہے۔ لیکن غریب کو مہنگائی اور مہنگی بجلی سے فوری آزاد نہیں کرسکتے۔
وزیر اعظم شہباز شریف نے کہا کہ قوم یوم آزادی جوش وخروش سے منائے گی، کانفرنس کے تمام شرکا کو خوش آمدید کہتا ہوں۔ علما مشائخ کانفرنس میں شرکت اعزاز کی بات ہے۔
