گلگت بلتستان میں ایک معصوم سے جنگلی جانور کو تنگ کرنے کی ویڈیو وائرل ہونے کے بعد نوجوان نے اپنی اس حرکت پر معافی مانگ لی۔
یہ بھی پڑھیں: گلگت بلتستان گھومنے والے ملکی اور غیر ملکی سیاحوں کے طرزعمل میں کیا فرق ہوتا ہے؟
سوشل میڈیا پر حال ہی میں ایک ویڈیو وائرل ہوئی تھی جس میں ایک نوجوان کو ایک جنگلی جانور کو تنگ کرتے دیکھا گیا جب کہ اس کے 2 ساتھی بھی ڈنڈیوں کے ذریعے جانور کو پریشان کر رہے تھے۔
اس ویڈیو کے وائرل ہونے کے بعد ان نوجوانوں پر خاصی تنقید ہوئی تھی جس کے بعد ان میں سے ایک نے اور ویڈیو جاری کی جس میں اس نے اپنی حرکت پر معافی مانگی۔
اس سے قبل بھی گلگت بلتستان میں سیاحوں کی ایک ویڈیو وائرل ہوئی تھی جس میں سیاح فروٹ کھانے کے ساتھ درختوں کے ٹہنیاں بھی توڑ رہے تھے۔ اس پر بھی سوشل میڈیا پر ان سیاحوں کو شدید تنقید کا سامنا کرنا پڑا تھا۔
مزید پڑھیے: سیاح گلگت بلتستان کے علاقوں میں سفر کس وقت کریں؟
سوشل میڈیا پر گلگت بلتستان کے افراد نے سیاحوں کو متنبہ کیا ہے کہ وہ سیاحت کے اصول سیکھیں اور درختوں کو برباد کرنے سے گریز کیا کریں۔
ان کا کہنا تھا کہ ایک پھلدار درخت کو بڑا ہونے اور پھل دینے میں کافی عرصہ لگ جاتا ہے اور اس کے لیے لوگوں کو محنت بھی بہت کرنی پڑتی ہے لیکن سیاح ان درختوں کی ٹہنیوں کو توڑ دیتے ہیں جس سے بڑا نقصان ہو جاتا ہے۔
عوام نے سوشل میڈیا پر اس بات پر افسوس کا اظہار کیا کہ سیاح درختوں کو نقصان پہنچانے کے علاوہ جنگلی جانوروں کو بھی بہت تنگ کرتے ہیں جس سے انہیں باز رہنا چاہیے۔
