حقیقی آزادی تک تحریک جاری رکھیں گے، علی امین گنڈاپور

خیبرپختونخو ا کے وزیراعلیٰ علی امین گنڈا پور نے یوم آزادی کے حوالے سے اپنے خصوصی پیغام میں کہا ہے کہ میری تمام پاکستانیوں سے گزارش ہے کہ 13 اگست کی رات کو آپ نے پورے پاکستان کے ہر شہر میں ریلی نکالنی ہے۔

یہ بھی پڑھیں:اعلان کرتا ہوں، صوبے میں کوئی آپریشن نہیں ہونے دوں گا، علی امین گنڈا پور

ہم عمران خان کے ساتھ ہیں

انہوں نے پیغام میں کہا ہے کہ ریلی کے اندر پاکستان کا جھنڈا اور ساتھ پاکستان تحریک انصاف کا جھنڈا ایک ساتھ ترتیب کے ساتھ لہرانا ہے اور یہ پیغام دینا ہے کہ ان شاءاللہ ہم عمران خان کے ساتھ ہیں اور حقیقی آزادی تک اپنی تحریک جاری رکھیں گے۔

جھنڈا چھیننے والے کی ویڈیو بنانی ہے

علی امین گنڈا پور نے کہا کہ میں سب کو یہ پیغام دیتا ہوں کہ جھنڈا اس ترتیب سے ایک ساتھ بلند کرنا ہے، اگر کوئی جھنڈا چھیننے کی غلطی کرتا ہے تو اس کی ویڈیو بنانی ہے۔

یہ بھی پڑھیں:عمران خان ڈٹا ہوا ہے، چوروں اور ڈاکوؤں سے قوم کو حقیقی آزادی دلائیں گے، علی امین گنڈاپور

انہوں نے کہا ہے کہ جھنڈا گاڑیوں پر لگائیں، موٹر سائیکلوں پر لگائیں، گھروں پر لگائیں، ریلی میں لہرائیں. جھنڈا چھیننے کی کوشش ہو تو ویڈیو بنائیں تاکہ وہ لوگ ریکارڈ پر آجائیں جو پاکستان کے جھنڈے کو ہاتھ ڈالتے ہیں تاکہ ان شاءاللہ وقت ائے گا تو ان کو حساب دینا پڑے گا۔