بنگلہ دیش میں مظاہرین نے سپریم کورٹ کا گھیراؤ کرتے ہوئے چیف جسٹس سمیت تمام ججوں کے استعفے کا مطالبہ کیا، اور انہیں مستعفی ہونے کے لیے ایک گھنٹے کا الٹی میٹم دیا تھا، جس کے بعد ہی چیف جسٹس آف سپریم کورٹ عبید اللہ حسن مستعفی ہوگئے ہیں۔
بنگلہ دیشی میڈیا کے کے مطابق قانون، انصاف اور پارلیمانی امور کے مشیر پروفیسر آصف نذر نے سپریم کورٹ کے چیف جسٹس عبید الحسن کے مستعفی ہونے کی تصدیق کی ہے۔
قبل ازیں ڈھاکا ٹربیون کی رپورٹ میں واضح کیا گیا تھا کہ عبید الحسن شام کو صدر محمد شہاب الدین سے مشاورت کے بعد اپنا استعفیٰ پیش کریں گے۔ بنگلہ دیش کے چیف جسٹس نے عدالتِ عظمیٰ کے احاطے میں مظاہرین کے جمع ہونے کے بعد اس فیصلے کا اعلان تھا ہے کہ وہ احتجاج کے الٹی میٹم کے بعد مستعفی ہو رہے ہیں۔
پروفیسر آصف نذر کے مطابق سپریم کورٹ کے چیف جسٹس عبید الحسن کے مطابق استعفیٰ وزارت قانون کو بھیجوا دیا گیا ہے، اسے بلا تاخیر صدرِ مملکت کو بھی بھجوا دیا جائے گا تاکہ ضروری اقدامات کئے جاسکیں۔ ان کا کہنا ہے کہ امکان ہے کہ اپیلٹ ڈویژن کے پانچ ججز کے بھی مستعفی ہوسکتے ہیں۔
قبل ازیں جمنا ٹی وی نے بھی رپورٹ کہا تھا کہ بنگلہ دیش کی اعلیٰ ترین عدالت کے چیف جسٹس نے مظاہرین کی طرف سے الٹی میٹم کے بعد اصولی طور پر مستعفی ہونے پر راضی ہو گئے ہیں۔
مزید پڑھیں:بنگلہ دیش میں انقلابی تبدیلی : بین الاقوامی میڈیا نے بھارتی پروپیگنڈے کا پول کھول دیا
چیف جسٹس آف بنگلہ دیش جسٹس عبید الحسن، جنہیں گزشتہ سال سپریم کورٹ کی سربراہی کے لیے مقرر کیا گیا تھا، انہیں معزول وزیراعظم شیخ حسینہ کے وفادار کے طور پر دیکھا جاتا ہے۔
غیر ملکی میڈیا کے مطابق طلبہ سمیت سینکڑوں مظاہرین نے بنگلہ دیش کی سپریم کورٹ کا گھیراؤ کرکے چیف جسٹس سمیت تمام ججز کے فوری استعفے کا مطالبہ کیا ہے۔ صورتحال تیزی سے خراب ہونے پر چیف جسٹس کے سپریم کورٹ سے بھاگ جانے کی اطلاعات بھی سامنے آئی ہیں۔
Bangladesh Chief Justice Obaidul Hassan says he has decided to resign amid a protest outside the Supreme Court #SupremeCourt #Dhaka #Bangladesy @anadoluagency pic.twitter.com/KTB4der61i
— ⚡️🌎 World News 🌐⚡️ (@ferozwala) August 10, 2024
بتایا جا رہا ہے کہ چیف جسٹس نے نئی بننے والی عبوری حکومت سے مشاورت کے بغیر فل کورٹ اجلاس بلایا تھا جس کے بعد مظاہرہ شروع ہوا تاہم کشیدگی بڑھنے پر فل کورٹ میٹنگ کو اچانک ملتوی کردیا گیا۔ طلبہ نے کہا ہے کہ ججز سازش کا حصہ ہیں جو غم و غصے کو ہوا دے رہے ہیں۔ مظاہرین اب ججز کے احتساب کا مطالبہ کر رہے ہیں، سپریم کورٹ کو گھیرے میں لیے مظاہرین نے چیف جسٹس کو ایک گھنٹے کا الٹی میٹم دیا ہے کہ وہ مستعفی ہو جائیں۔
Breakfast News:
Bangladesh thousands surround Supreme Court, give 1 hour to Chief Justice to resign or students will capture their homes
Chief Justice & 97 SC Judges resigned Within 1 hrs
Corrupt judges,its time to correct your mistakes
Are Indian Judges honest & unbiased? pic.twitter.com/FTj2V0yaIb
— Fiza 🇮🇳 (@hoorsheikh_fiza) August 10, 2024
یاد رہے کہ گزشتہ کئی ہفتوں سے بنگلہ دیش میں جاری پُرتشدد مظاہروں کے بعد شیخ حسینہ نے 5 اگست کو بطور وزیراعظم استعفیٰ دے دیا تھا اور وہ اس کے فوراً بعد انڈیا فرار ہو گئی تھیں۔
