سابق امریکی صدر ڈونلڈ ٹرمپ کے ساتھ اپنے انتہائی متوقع انٹرویو کے بعد ایکس ڈاٹ کام اور ٹیسلا کے مالک ایلون مسک نے اپنے پلیٹ فارم پر نائب امریکی صدر اور صدارتی ڈیموکریٹک پارٹی کی صدارتی امیدوار کملا ہیرس کے انٹرویو کے امکان کا اشارہ دیتے ہوئے اعلان کیا ہے کہ ایکس اسپیسس پر کملا کی میزبانی کرکے خوشی ہوگی۔
یہ بھی پڑھیں: ایلون مسک نے کیا ٹرمپ کا انٹرویو، ایکس ڈاٹ کام کریش
ایلون مسک کی جانب سے یہ اعلان ڈونلڈ ٹرمپ کے ساتھ غیر رسمی انٹرویو کے بعد سامنے آیا ہے، جسے اہم تکنیکی مسائل، ایلون مسک کے مطابق سائبر حملوں، کے باعث 40 منٹ سے زائد تاخیر کا سامنا کرنا پڑا، تکنیکی رکاوٹوں نے بہت سے ناظرین کو لائیو اسٹریم تک رسائی سے محروم کردیا، جس سے مسک اور ٹرمپ دونوں کو شرمندگی کا سامنا بھی کرنا پڑا۔
Happy to host Kamala on an 𝕏 Spaces too
— Elon Musk (@elonmusk) August 13, 2024
تاہم اپنی 2 گھنٹے سے زائد بحث کے دوران، ری پبلیکن صدارتی امیدوار ڈونلڈ ٹرمپ نے اپنی حریف امیدوار کملا ہیرس کو تنقید کا نشانہ بنانے سے باز نہیں آئے۔
مزید پڑھیں: امریکی صدارتی انتخابات: کملا ہیرس نے ڈونلڈ ٹرمپ پر 4 پوائنٹس کی برتری حاصل کر لی
’اس وقت ہمارے پاس کوئی صدر نہیں ہے اور کملا اس سے بھی بدتر ہے۔ وہ سان فرانسسکو کی ایک لبرل ہے جس نے اس شہر کو تباہ کیا، کیلیفورنیا کو تباہ کیا، اور اگر وہ منتخب ہوئی تو وہ ہمارے ملک کو تباہ کر دے گی۔‘
The Elon/Trump Interview: Must-See Moments
All the key takeaways in under 5 minutes.
🧵 THREAD pic.twitter.com/xD6ziUWZGB
— The Vigilant Fox 🦊 (@VigilantFox) August 13, 2024
ٹرمپ نے غیر قانونی امیگریشن سے نمٹنے کے ضمن میں کملا ہیرس کی پالیسیوں پر بھی تشویش کا اظہار کرتے ہوئے الزام لگایا کہ انہوں نے بڑی تعداد میں بغیر دستاویزی ثبوت تارکین وطن کو نا صرف ملک میں داخلے کی اجازت دی بلکہ باہر سے مجرموں کو بھی امریکا بھیجا جارہا ہے۔
مزید پڑھیں: ایلون مسک برطانیہ میں فسادات پر نالاں کیوں؟
ڈونلڈ ٹرمپ نے بائیڈن انتظامیہ کی امیگریشن پالیسیوں کو مزید تنقید کا نشانہ بناتے ہوئے کہا کہ امریکا کی موجودہ حکومت ایک ناقص حکومت ہے۔ ’ایک مہینے میں لاکھوں لوگ آ رہے ہیں، اور کملا اٹھ کر دکھاوا کرتی ہیں کہ وہ کچھ کرنے جا رہی ہے، ان کے پاس ساڑھے 3 سال تھے اور ابھی مزید 5 مہینے ہیں، لیکن وہ کچھ نہیں کریں گے۔‘
ایلون مسک کے کملا ہیرس کے ساتھ ممکنہ انٹرویو کی تجویز نے سیاسی قیاس آرائیوں کو ہوا دی ہے کیونکہ بہت سے لوگ حیران ہیں کہ کیا نائب صدر اس دعوت کو قبول کرتے ہوئے ایکس پر اسی نوعیت کی غیر رسمی گفتگو میں حصہ لینا پسند کریں گی۔
