وزیر اعلیٰ پنجاب مریم نواز شریف میاں چنوں کی نواحی گاؤں میں قومی ہیرو اولمپیئن ریکارڈ ہولڈر کے گھر مبارکباد دینے پہنچیں تو اولمپیئن ارشد ندیم اور اہل خانہ نے ان کا پُر خلوص استقبال کیا۔ مریم نواز شریف نے ارشد ندیم کی والدہ محترمہ رضیہ پروین کو گلے لگا لیا اور مبارکباد پیش کی اور اپنے ساتھ بٹھا کر کافی دیر باتیں کرتی رہیں۔
شاباش ارشد ندیم 🇵🇰 pic.twitter.com/0Da12Tip2k
— Maryam Nawaz Sharif (@MaryamNSharif) August 13, 2024
وزیراعلیٰ مریم نواز شریف نے اہل خانہ کے ساتھ تصاویر اور سیلفیاں بنوائیں، وزیراعلیٰ پنجاب نے اولمپیئن ارشد ندیم کو 10- کروڑ روپے کا چیک پیش کیا اور ہنڈا سوک کار نمبر 92.97 کی چابی بھی پیش کی۔
مزید پڑھیں:پاکستان پوسٹ کی نااہلی، ارشد ندیم کے اعزازی ڈاک ٹکٹ پر پرانی تصویر لگا دی
وزیراعلیٰ مریم نواز نے کوچ سلمان اقبال بٹ کو بھی 50 لاکھ روپے کا چیک دیا اور ان کی خدمات کو سراہا۔ ان کا کہنا تھا کہ ارشد ندیم نے قوم کو بے مثال خوشی سے ہمکنار کیا۔
اولمپین ارشد ندیم اور ان کے والدین نے وزیراعلیٰ کی گھر آمد کو عزت افزائی قرار دیا۔
مریم نواز نے ارشد ندیم کو 10 کروڑ کا چیک اور کار تحفے میں دے دی۔ pic.twitter.com/50hBtwBolZ
— Sanam Jamali🇵🇰 (@sana_J2) August 13, 2024
سینئروزیر مریم اورنگزیب، وزیرکھیل فیصل ایوب کھوکھر، معاون خصوصی ذیشان ملک، ایم پی اے ثانیہ عاشق، عامر حیات ہراج، پیر اسلم بودلہ، چیف سیکریٹری، اے سی ایس ساوتھ، اے آئی جی ساؤتھ، سیکریٹری سپورٹس، کمشنر، آر پی او، ڈپٹی کمشنر اور دیگر بھی موقع پر موجود تھے۔
