پاکستان ایئر پورٹس اتھارٹی نے کہا ہے کہ منکی پاکس کے حوالے سے ملکی ایئر پورٹس پر کڑی نگرانی جاری ہے۔ کراچی اور دیگر ایئر پورٹس کی طرح اسلام آباد اور پشاور ایئرپورٹس پر بھی خصوصی انتظامات کیے گئے ہیں۔
ترجمان پاکستان ایئر پورٹس اتھارٹی نے اپنے بیان میں کہا ہے کہ ڈائریکٹر جنرل ہیلتھ خیبرپختونخوا (کے پی) ڈاکٹر سلیم نے باچا خان انٹرنیشنل ایئرپورٹ پشاور میں قرنطینہ سینٹر کا دورہ کیا۔ ڈائریکٹر ہیلتھ کے پی ڈاکٹر ارشاد اور ایئرپورٹ ہیلتھ آفیسر اور ڈی ٹی ایم نے بھی انتظامات کا جائزہ لیا۔
مزید پڑھیں:خطرناک وائرس منکی پاکس سے کیسے بچا سکتا ہے؟
ان کا کہنا تھا کہ ڈی جی ہیلتھ کے پی نے انٹرنیشنل ارائیول لاؤنج میں واقع قرنطینہ کا دورہ کیا اور مونکی پوکس کی روک تھام کے لیے انتظامات اور پروٹوکولز کا بھی جائزہ لیا۔
پشاور ائیرپورٹ انتظامیہ نے بتایا کہ مونکی پوکس میں مبتلا افراد کو قرنطینہ سے ریسکیو 1122 ایمبولینس کے ذریعے پولیس اسپتال منتقل کیا جائے گا۔ اسلام آباد ایئرپورٹ پر بھی بین الاقوامی پروازوں کی آمد کے بعد بریج، بیگیج اور لاونجز میں ڈسں انفیکشن سپرے کیا گیا ہے۔
