پاکستان کرکٹ ٹیم کے فاسٹ بولر احسان اللہ نے اپنے والد کے بیان کی مخالفت کرتے ہوئے کہا ہے کہ سوات میں میرا اچھا ری ہیب چل رہا ہے، اور جلد کم بیک کروں گا۔
سوشل میڈیا پر اپنے ایک بیان میں انہوں نے کہاکہ میری کہنی کا خم اور سیدھے بازو کا اینگل اب ٹھیک ہورہا ہے۔
یہ بھی پڑھیں فاسٹ بولر احسان اللہ کو ری ہیپ میں کیا مشکلات درپیش ہیں؟ والد نے بتا دیا
انہوں نے کہاکہ میڈیا پر جو خبر آئی تھی کہ میرا ری ہیب اچھا نہیں چل رہا وہ درست نہیں، میری پاکستان کرکٹ بورڈ سے درخواست ہے کہ مجھے سوات میں ہی رہنے دیا جائے۔
واضح رہے کہ اس سے قبل فاسٹ بولر احسان اللہ کے والد نے چیئرمین پی سی بی محسن نقوی سے درخواست کی تھی کہ ان کے بیٹے کی لاہور میں دیکھ بھال کی جائے۔
احسان اللہ کے والد نے کہاکہ سوات میں سہولیات اچھی نہیں ہیں، میرے بیٹے کو لاہور بلایا جائے، اور این سی اے میں منتقل کرکے علاج کیا جائے۔
یہ بھی پڑھیں فاسٹ بولر احسان اللہ کو کہنی میں تکلیف، تشخیص کے لیے انگلینڈ روانہ
یہ بھی یاد رہے کہ احسان اللہ کو گزشتہ ایک سال سے کہنی کی انجری کا مسئلہ درپیش ہے، اس دوران ان کا آپریشن اور انگلینڈ میں چیک اپ بھی ہوچکا ہے۔
