تحریک انصاف کا سیاسی گڑھ سمجھے جانے والے صوبے خیبرپختونخوا میں صوبائی وزیر شکیل خان کے استعفے کے بعد سے واضح طور پر سامنے والے اختلافات گزرتے وقت کیساتھ گہرے ہوتے جارہے ہی، اختلافات کی اس بڑھتی خلیج نے بانی پی ٹی آئی کو پریشان کر دیا ہے۔
یہ بھی پڑھیں:کور کمانڈر ہاؤس جانے پر شروع ہونے والی بات شکیل خان کے استعفے تک کیسے پہنچی؟
ذرائع ابلاغ میں سامنے آنے والی رپورٹس کے مطابق بانی پی ٹی آئی عمران خان نے استعفے کے باوجود خیبرپختونخوا حکومت سے برطرف کیے جانے والے صوبائی وزیر شکیل خان کی حمایت میں بولنے والے اراکین قومی اسمبلی عاطف خان اور جنید اکبر کو اڈیالہ جیل بلا لیا ہے۔
رپورٹ کے مطابق ان دو اراکین کی جانب سے شکیل خان کے حق میں آواز بلند کرنے پر کے پی کی صوبائی حکومت نالاں تھی اور اس نے اس حوالے سے عمران خان سے شکایت کی تھی۔
یاد رہے کہ شکیل خان کی برطرفی پر عاطف خان اور جنید اکبر ان کے حق میں بیان دیا تھا اور ان کی برطرفی سے اختلاف کیا تھا۔
عاطف خان یا جنید اکبر کے پاس کرپشن کے کوئی شواہد ہیں تو وہ کمیٹی کے سامنے پیش کریں، بیرسٹر سیف
قبل ازیں مشیر اطلاعات خیبرپختونخوا بیرسٹر سیف نے اسلام آباد میں میڈیا سے گفتگو کرتے ہوئے کہا کہ عاطف خان یا جنید اکبر کے پاس کرپشن کے کوئی شواہد ہیں تو وہ کمیٹی کے سامنے پیش کریں، کمیٹی نے رپورٹ دی کہ شکیل خان کرپشن میں ملوث پائے گئے، پارٹی میں کوئی گروہ بندی نہیں ہے۔
