جمعیت علما اسلام (ف) کے سربراہ مولانا فضل الرحمان نے کہا ہے کہ ہمیں دھاندلی زدہ الیکشن قبول نہیں، دھاندلی کی بنیاد پر آئے لوگوں کو عوام کا نمائندہ قبول نہیں کرسکتے۔
لکی مروت میں جلسے سے خطاب کرتے ہوئے مولانا فضل الرحمان نے کہاکہ حکمران مسلسل عوام کو دھوکا دے رہے ہیں، اس وقت پاکستان ڈوب رہا ہے اور ہم پاکستان کو بچانے کے لیے نکلے ہیں۔
یہ بھی پڑھیں حکمرانوں کی ڈور کسی اور کے ہاتھ میں ہے، جعلی نمائندے مسائل حل نہیں کرسکتے، مولانا فضل الرحمان
انہوں نے کہاکہ آج کوئی بھی پاکستان پر اعتماد کرنے اور قرضہ دینے کے لیے تیار نہیں، چین جیسا ملک بھی ہم پر اعتماد نہیں کررہا۔
سربراہ جے یو آئی نے کہاکہ امریکا دنیا کا سب سے بڑا دہشتگرد ہے، عالمی قوتیں اب معاشی جنگ پاکستان میں لڑنا چاہتی ہیں، اور ہمارے ملک کی مذہبی شناخت کو بھی ختم کرنا چاہتی ہیں۔
مولانا فضل الرحمان نے کہاکہ اصلی اور نقلی حکمران سن لیں ملک کے وسائل پر عوام کا حق ہے، ہم اپنے وسائل پر کسی کو قبضہ کرنے کی اجازت نہیں دیں گے۔
انہوں نے کہاکہ جانتا ہوں اس سرزمین پر پشتون کا کیا حق ہے، ملک کے وسائل پر یہاں کے بچوں اور آنے والی نسلوں کا حق ہے۔
یہ بھی پڑھیں شہباز شریف ملک کو آگے لے کر جانے میں ناکام رہے، مولانا فضل الرحمان
مولانا فضل الرحمان نے کہاکہ پاکستان میں تمام اقلیتیں محفوظ ہیں، تاہم بلوچستان، خیبرپختونخوا اور قبائلی عوام بارود کے ڈھیر پر بیٹھے ہیں، عوام مطمئن رہیں اس طرح معاملات نہیں چلیں گے۔
