کراچی میں گزشتہ روز کارساز روڈ پر تیز رفتار گاڑی راہ گیروں پر چڑھ دوڑی جس سے 2 افراد جاں بحق اور متعدد زخمی ہوگئے۔ خوفناک حادثے میں خاتون ڈرائیور نے پہلے 2 موٹر سائیکلوں کو بُری طرح روندا پھر ایک گاڑی کو بھی ٹکر مار دی۔
پولیس نے موقعے پر پہنچ کر لینڈ کروزر چلانے والی خاتون نتاشا کو حراست میں لے لیا۔ عینی شاہدین کے مطابق گاڑی چلانے والی خاتون اپنے حواس میں نہیں تھی۔ حادثے کے بعد ویڈیوز سوشل میڈیا پر وائرل ہوئیں تو صارفین کی جانب سے خاتون اور ملک کے نظام پر خوب تنقید کی گئی۔
صنم جمالی نامی صارف نے تنقید کرتے ہوئے لکھا کہ فکر نہ کریں لینڈ کروزر میں بندے مارنا تو پاکستان میں ثواب کا کام ہے کل تک یہ خاتون گھر چلی جائے گی۔
کراچی کارساز روڈ پر یہ میڈم نشے کی حالت میں تیز گاڑی چلاتے ہوئے اپنے لینڈ کروزر سے پانچ لوگوں کو کچل دیا۔
اور فکر نہ کریں لینڈ کروزر میں بندے مارنا تو پاکستان میں ثواب کا کام ہے کل تک گھر چلی جائے گی۔ pic.twitter.com/hSpC8dDSSE— Sanam Jamali🇵🇰 (@sana_J2) August 19, 2024
ثقلین شریف نامی صارف نے نظامِ انصاف پر سوالیہ نشان اٹھاتے ہوئے کہا کہ اب اس خاتون کو ذہنی طور پر معذور قرار دے کر بچا لیا جائے گا۔
Ab isay "mentally not fit" declares krwaya jay ga or bacha lia jay ga…jesy k hmay pta ee ha😓 https://t.co/OTvhWiLwVV
— Saqlain Shareef (@SaqlainShareef) August 20, 2024
لائبہ چوہدری لکھتی ہیں کہ اگر یہ خاتون واقعی نشے کی حالت میں گاڑی چلا رہی تھیں تو اسے سخت ترین سزا دی جائے۔
اگرواقعی یہ نشے کی حالت میں ڈرائیو کر رہی تھی تو اسے سخت ترین سزا دی جائے
— Liaba ch (@1liaba) August 20, 2024
سوشل میڈیا انفلوئنسر اور سابقہ گلوکارہ رابی پیرزادہ نے کہا کہ وہ یقین سے کہہ سکتی ہیں اس عورت کو سزا نہیں ملے گی۔ خاتون کا وکیل اور ہماری عدالتیں اسے ملک سے باہر بھیج دیں گی۔
میں یقین سے کہہ سکتی ہوں اس عورت کو سزا نہیں ملے گی۔
اس کا وکیل اور ہماری عدالتیں اسے ملک سے باہر بھیج دیں گی۔
Only underprivileged are punished in ISLAMIC REPUBLIC OF PAKISTAN 🇵🇰
کراچی میں "گل احمد انرجی لمٹیڈ" کے چئیرمین دانش اقبال کی بیوی نتاشا نے شراب کے نشے میں دھت ہو کر… pic.twitter.com/d74cD94IYr— Rabi Pirzada (@Rabipirzada) August 20, 2024
تنویر اعوان نے لکھا کہ یہ خاتون کسی صنعتکار کی بیوی ہیں جنہوں نے مبینہ طور پر شراب کے نشے میں دھت ہوکر کراچی یونیورسٹی کی طالبہ آمنہ عارف اور اس کے والد پر گاڑی چڑھادی جو موقع پر ہی چل بسے اور مبینہ طور پر 3 دیگر افراد بھی اس میں جاں بحق ہوئے ہیں۔
ان کا مزید کہنا تھا کہ اب یہ خاتون پولیس کے اے سی روم میں بیٹھی ہیں کیونکہ ان کے شوہر کے پاس پیسہ ہے اور اگر اس کی جگہ کوئی غریب ہوتا تو ابھی لاک اپ میں ہوتا لیکن بدقسمتی سے ہمارے ملک میں طاقتور اور عام آدمی کے لیے الگ الگ قانون ہے اس لیے تلخ حقیقت یہی ہے کہ ہم روئیں، پٹیں یا چیخیں یہ خاتون کچھ عرصے بعد وکٹری کا نشان بناتے ہوئے رہا ہوجائیں گی۔
یہ خاتون کسی صنعتکار کی بیوی ہیں۔ اس نے شراب کے نشے میں دھت ہوکر کراچی یونیورسٹی کی طالبہ آمنہ عارف اور اس کے والد پر گاڑی چڑھادی جو موقع پر چل بسے۔ مبینہ طور پر 3 دیگر افراد بھی اس میں جاں بحق ہوئے ہیں۔
اب یہ پولیس کے اے سی روم میں بیٹھی ہیں۔ کیونکہ اس کے شوہر کے پاس پیسہ ہے اور… pic.twitter.com/2dHH8Dxr30— Tanveer Awan (@hTanveerAwan) August 19, 2024
پولیس ذرائع کے مطابق حادثے کا سبب بننے والی خاتون نتاشا معروف کاروباری شخصیت دانش اقبال کی اہلیہ ہیں اور حادثے کے وقت خاتون کے ساتھ اس کا شوہر بھی موجود تھا۔ ایکسائز کے مطابق حادثے کا شکار ہونے والی گاڑی BY 003 گل احمد کے نام پر رجسٹرڈ ہے۔
