دِل دِل پاکستان ترانے کی پیروڈی ’بِل بِل پاکستان‘ بنانے والے گلوکار یو ٹیوبر عون علی کھوسہ نے اغوا ہونے اور پھر واپس گھرپہنچنے کے بعد پہلی بار اپنی ایک دلچسپ ویڈیو سوشل میڈیا پر پوسٹ کی ہے، جسے سوشل میڈیا صارفین ’خاموش پیغام‘ کے ساتھ وائرل کر رہے ہیں۔
جمعہ کو سماجی رابطے کی ویب سائٹ ’ایکس ڈاٹ کام‘ پر یوٹیوبر عون علی کھوسہ نے ایک ویڈیو پوسٹ کی ہے، جس میں وہ اپنی زبان سے کوئی لفظ تو نہیں بولتے تاہم اپنے چہرے پر درد اور پریشانی والے اور پھر مسکرانے والے تاثرات ظاہر کرتے ہیں۔
عون علی کھوسہ کا رہائی کے بعد خاموش پیغام
بہت پاور فل پیغام ہے 🔥 pic.twitter.com/grhNDsDX3q
— Ahmad Hassan Bobak (@ahmad__bobak) August 23, 2024
25 سیکنڈ پر مشتمل اس وائرل ویڈیو میں دیکھا جا سکتا ہے کہ عون علی کھوسہ کا ابتدا میں سانس پھولا ہوا ہے اور ان کے چہرے پر پریشانی اور درد کے اثار نمودار ہوتے ہیں جونہی ان کی ویڈیو آگے بڑھتی ہے تو وہ ویڈیو کے آخری لمحات میں مسکرانے لگتے ہیں۔
اس ویڈیو پر سوشل میڈیا صارفین مختلف تاثرات پیش کر رہے ہیں، ایک صارف نثار خان نے لکھا کہ ’ تم لوگ چاہتے ہو میں ڈر گیا یا ڈر جاؤں نہیں یہ آپ کی بھول ہے، میں ایسے اوچھے ہتھکنڈوں سے لطف اندوز ہوتا ہوں، ہنسی اس لیے آپ کی سوچ پر آرہی ہے۔‘
تم لوگ چاہتے ہو میں ڈر گیا یا ڈر جاوں نہیں یہ آپکی بھول میں میں ایسے اوچھے ہتکنڈوں سے لطف اندوز ہوتا ہوں ہنسی اسلئے آپکی سوچ پر آرہی ہے
— Nisar Khan🇵🇰 (@Nk_713) August 23, 2024
اظہر کاظمی نامی ایک اور صارف نے لکھا کہ ’ پوری قوم کو پولیس اور فوج کے ہر فرد سے خاموشی اختیار کر لینی چاہیے۔ جہاں نظر آہیں جہاں تک ممکن ہو سکے کنارہ کشی اختیار کریں۔ کوئی گالی یا برا بھلا نہ کہیں ! خاموش بائیکاٹ! بلکل نظر انداز کریں جس حد تک ممکن ہو سکے۔ باور کرائیں کے بحیثیت قوم ان سے شدید ناراض ہیں!
پوری قوم کو پولیس اور فوج کے ہر فرد سے خاموشی اختیار کر لینی چاہیے.جہاں نظر آییں جہاں تک ممکن ہو سکے کنارہ کشی اختیار کریں.کوئی گالی یا برا بھلا نہ کہیں ! خاموش بائیکاٹ! بلکل نظر انداز کریں جس حد تک ممکن ہو سکے.باور کرائیں کے بحیثیت قوم ان سے شدید ناراض ہیں!#خاموش_انقلاب
— Ashar Kazmi (@asharkazmi) August 23, 2024
واضح رہے کہ دل دل پاکستان کی بجائے بل بل پاکستان کی پیروڈی کرنے والے عون علی کھوسہ کو 14 اور 15 اگست کی درمیان شپ چند نا معلوم افراد اٹھا کر لے گئے تھے تاہم گزشتہ اتوار اور پیر کی درمیانی شب گھر واپس پہنچ گئے تھے۔
گھر پہنچنے پر ان کے اہلِ خانہ کا کہنا تھا کہ عون علی کھوسہ کی طبیعت ٹھیک ہے۔ لیکن اُن کے چہرے سے تھکاؤٹ کے آثار نمایاں ہیں جس کے باعث وہ کسی سے بھی بات نہیں کر رہے۔
عون علی کھوسہ نے ‘دِل دِل پاکستان’ کی پیروڈی ‘بِل بِل پاکستان’ بنائی تھی جس میں پاکستان میں بجلی کے بھاری بھرکم بلوں کی مزاحیہ انداز میں منظر کشی کی گئی تھی۔
گانا منظرِ عام پر آنے کے بعد اُنہیں 14 اور 15 اگست کی رات لاہور میں اُن کے گھر سے مبینہ طور پر نامعلوم افراد اُنہیں اپنے ساتھ لے گئے تھے۔
